Duela astebete eman zitzaion hasiera ERREMONTE GAUA-ri Hamaika telebistan. Bertan, 2012an jokatu zen Binakako txapelketa nagusiaren finala ikusteko aukera izan genuen eta gaurko emisioan berriz, 2016an jokatu zen Buruz buruko final handia ikusteko aukera izango dugu. Bertan, Urrizak eta Barrenetxea IV-na izan ziren protagonistak.
Gogoratu 22:00-tatik aurrera erremonteaz gozatzeko aukera izango dugula Hamaika telebistan.
Oriamendi Hamaika telebistarekin hitzarmen akordio batera iritxi da eta astelehenero ERREMONTE GAUA eskainiko da, Hamaika Telebistan, 21:30etatik 22:30etara.
Lehen emanaldia gaur azaroaren 9an eskainiko da eta ekainaren 21era arte 32 astez erremontea egongo da ikusgai telebista katean.
Lehenengo emanaldian 42garren Binakako Erremonte Txapelketako final Nagusia ikusiko da eta bertan Ezkurra-Olazar, Urriza eta Barrenetxea IV.aren aurka neurtu ziren.
Datorren astelehenean 50garren Urteko Txapelketaren partidak emango dira, aurten bertan jokatutakoak. Ondoren etorriko dira partida bereziak.
Oriamendik biharko prestatua zuen gaueko jaialdia bertan behera uztea erabaki berri du. Eusko Jaurlaritzaren gomendioak jarraituta, Hernani eremu gorrian dago, egokiena ez jokatzea dela uste du Galarreta kudeatzen duen enpresak. Ez zegoen derrigortua erabaki hori hartzea, baina arduraz jokatu behar dela uste da eta Jaurlaritzaren gomendioa jarraituko du.
Javier Urrizak erremonteko banakako txapelketan zazpigarren txapela irabazi zuen Endikari 30-27 irabazita Kutxabank Torneoko finalean. Iruñekoak asko sufritu zuen Endika Urrutiari irabazteko. Saldiasekoak arriskatu egin zuen, tantorik ikusgarrienak egin zituen eta finalaren zati handi batean aurretik ere izan zen, baina Urrizak sufritu, defendatu, izerditu, une txarrak irauli eta final ikusgarria ixten jakin zuen, akatsak ere izan zituen arren. Final zirraragarria izan zen eta denetarik izan zuen eta zaleek eskertu egin zuten.
Txapelduna hotz hasi zen eta pare bat tanto jokatuta, sake on batek eta bi takok 0-5ekoa eraman zuten markagailura. Partida azkar zihoan, piloteorik gabe eta horrela 4-9raino joan zen. Hor berotu zen gUrriza piloteatze on batekin eta 4-9koa eta gero lehen berdinketa iritsi zen. Partida berri bat hasi zen, baina Endikak serio eta arriskatzen jarraitzen zuen.
Urrizak ez zuen abantaila lortzen eta ez zuen tanto bateko abantaila baino gehiago hartzen. 11, 12, 13, 14, 15, 16, 18, 19, 20 eta 21eko berdinketak izan ziren. Ez zegoen emozio gehiago eskatzerik Urrizak ohi baino sake falta gehiago egin arren, bost partida osoan zehar.
16-18koa Endikaren alde erori zen, ordura arteko tantorik lehiatuena izan ondoren. Lasterketa onekin, defentsekin eta azken pilotakada batekin Urrizaren goiko txapari.
20nako berdinketan, berriz errepikatu zen tanto luze eta piloteatu bat. Oraingoan, Urrizak defendatu behar izan zituen ezinezko pilotak. 21-20 aurretik jarri zen, eta hurrengoa Endikaren alde erori zen arren (21-21), nekea iritsi zen Saldiaseko atzelariagan.
Hurrengo bost tantoak gorriaren alde erori ziren eta 26-21 aurreratu zen. Hori bai, Endika ez zen bere lehen finalera iritsi ezer oparitzeko, eta Urrizari gauzak zail jartzeko prest zegoen. Piloteoan agintea hartu zuen berriro, hiru sake bikain eta Urrizaren huts baten ondoren berdinketa itzuli zen, 27ra, finaleko hamaikagarrena. Final berri bat hasi zen, oraingoan hiru tantora.
Eta hiru tantoak Urrizaren alde erori ziren, hor esperientziak eta egoten jakiteak lagundu zioten. Ez zen urduri jarri eta ondo kendu zuen Endikaren sake txar bat 28-27 aurretik jartzeko. 29-27koa defentsa bikainarekin igo zen eta 30-27koa Endikaren errestoaren ostean. Une garrantzitsuenetan fin egoteak eta Endikaren kasuan % 100ean ez asmatzeak txapela eman zioten Urrizari.
Sakea ez zen erabakigarria izan garaipenean. Urrizak zortzi tanto egin zituen sakearekin eta bost falta..
Markagailua: 0-5, 2-5, 2-6, 3-6, 3-7, 4-7, 4-9, 6-9, 6-11, 11-11, 11-12, 12-12, 13-12, 13-13, 14-13, 14-14, 14-15, 15-15, 16-15, 16-16, 16-18, 19-18, 19-19, 20-19, 20-20, 21-20, 21-21, 26-21, 26-23, 27-23, 27-27 y 30-27
“Sufritzen, borrokatzen eta hasiera txarra gainditzen jakin dut”
Urrizak partidaren amaieran aitortu zuen ez zuela bere egunik onena izan. “Asko sufritu dut, deseroso egon naiz, tentsioarekin beldurtuta bezala, ez nuen bere lekuan jotzen, baina borroka eginez 30era iritsi naiz. Ez nuen tentsioa kentzen, ez dut azaltzen, baina borrokatu beharra dago.. Pozik nago beste txapel bat lortzeagatik “aitortu zuen Endikaren lana. “Korrika asko eginarazi dit, ezaugarri harrigarriak ditu”, esan zuen, “Orain txapela dastatu behar da, etorkizuna ikusiko dugu”.
“Ikusi dut txapel irabazteko gai naizela”Nahiz eta galdu Endikak gustora bukatu zuen eginiko partiduarekin. “Oso pozik nago eginiko partiduarekin, inoiz baino lana gehiago eman diot eta nire buruarekin oso konforme geratu naiz. Amaieran pare bat tantutan azkenean nekatu nengoen eta pasa egin dit. Oso ongi hasi naiz, bi tanto gogorrek faktura pasa didate”. Jokaladirik politenak berak egin zituen eta jendearen txaloak eskertu ziuen. “Jendeari eskerrak. Oso polita izan da, disfrutatu egin dut. Hurrengo pausoa finala irabaztea izango da eta ikusi dut ahal dudala irabazi”
Urriza eta Endikak buruz buruko Kutxabank Torneoaren finala jokatuko dute gaur, 16:30etatik aurrera, Galarretan. Urrizaren bederitzagarren finala izango da eta Endikaren aurrenekoa. Urrizak sei txapela irabazi ditu eta beraz faborito nagusia da zazpigarren txapela janzteko.
Pasa den urtean aurrelari iruindarrak bere bigarren finala galdu zuen Barrenetxearen aurka. Beraz, pasa den urteko arantza atera nahi du.
Endikak peloten aukeraketan esan zuen gose haundiarekin dagoela bere lehenengo txapela irabazteko eta konfidantzarekin dago.
Bien artean partidu asko jokatu dituzte azken urteetan eta aurrelari iruindarra izan da beti garaile. Bien artean Master Txapelketako final bat ere jokatu dute eta aurtengo buruz burukoaren ligaxkan Urrizak 30-19, erraz, gainditu zuen Endika gaur lau aste. Aurrekari guzti horiekin faboito argia da Urriza, baina ez da fidatzen. Aurreko urtean ere bera zen hautagai nagusia eta ezustekoa egon zen. Gainera, Urrizak esan bezala Endika oso erremontista konpletoa da. «Aurrelari bezala jokatu du eta errekurtso ikaragarriak ditu buruz buru jokatzeko».
Pelota biziak Urrizak, indartsuagoak Endikak
Biak ere gustora geratu ziren pelota aukeraketan, baina «nahi den jokoa egiteko asmatzea zaila» dela onartu zuten. «Asteazken goizetik larunbat arratsaldera arte portaera alda daiteke. Buruz burukoan oso garrantzitsua da sakea eta lehen pelotakada horrekin gustura egoteko moduko pelotak bilatzea zen asmoa» adierazi zuen Urrizak.
Urrizaren pelotak biziagoak dira. «Bereak indartsuagoak dira. Atzelaria da eta beste doaiak ditu, aurrelari gisa ere jokatu duen arren».
Endikak modu positiboan baloratu zuen aukeraketa. «Ez zait aukeraketa gustatzen, baina oraingoan gustura geratu naiz. Finalaurrekoen antzekoak dira. Ez dira biziak eta niretzat ondo moldatzen dira. Bereak ezberdinak dira, pelota biziagoa bilatu du». Lehen finalerako lasai dago oraingoz. «Badakit zer den finalak jokatzea, eta horrek presioa hobeto eramaten laguntzen du».