Barrenetxea eta Urrizak irabazi zituzten UTS Master Txapelketako finalerdiak eta beraz azken bi urteetako txapeldunak jokatuko dute finala, datorren larunbatean, gaueko 11:00etan.
Finalerdietako lehenego partiduan Barrenetxeak 30-25 gainditu zuen Juanenea kostata eta bigarren finalerdian Urrizak 30-23 irabazi zion Ansari.Bi partiduak onak izan ziren eta joko maila altukoak izan ziren, baina era berean desberdinak.Barrenetxea eta Juanenaren artekoa ezin berdinduagoa izan zen. Azkenean atzelari hernaniarraren aldeko 1 eta 7ko partzialak erabaki zuen. Bide batez udarako arantza ere atera zuen.
Alternatiba askoko partidua izan zen. Gora behera asko izan zituen eta markagailuan bat edo bestea egoten zen aurretik. Hasiera batean Juanenea hasi zen agintzen eta 5-2 aurreratu zen. Barrenetxeak buelta eman eta lau tantoko abantaila hartu zuen 6 eta 10ekoan. Juaneneak berriz ere irauli egin zuen markagailua eta bere alde jarri zuen 20-17 eta 24eta 23 aurretik zela Barrenetxeak sei tanto egin zituen jarraian 24-29 aurreratuz eta finalerdia erabakita utziz.
Sakearekin min handia egin zuten bai batek eta bai besteak eta agian zuloa errebotean eduki zuen Juaneneak. Aurrean piloteoan Barrenetxea baino gehiago zen, baina hernaniarrak atzeko pareta bilatu zuen eta ongi irten zitzaion apustua.Bigarren finalerdia desberdina izan zen. Urrizak agindu zuen eta partidan sartzea kosta egin zitzaion Ansa baten aurrean 6-1 aurreratu zen. Bazidrudien partidu erraza izango zela sei aldiz txapela hau jantzi duen erremontistarentzat. Bederatzi tantoko abantaila lortu zuen iruindarrak 23 eta 14koan, baina urnietarra esnatu eta hiru tantora jarri zen 23-20. Urrizak, beti bezala, ongi defendatzen zuen eta Ansak bere beso indartsuarekin abiadura asko ematen zion pilotari.
25 eta 22 zirela Urriza sakearekin asmatzen hasi zen eta sei tantoko alde erabakiorra hartu zuen 28-22 aurretik jartzeko. Azkenean 30-23 gainditu zuen Ansa, baina ez zuen partidu erraza izan.
Fnalerdiak igande honetan jokatuko dira eguerdiko 12:00etan eta finala urtarrilaren 30ean, gaueko 23:00etan
UTS Buruz Buruko Master Txapelketa igandean hasiko da bi finalerdiekin eta aurtengo txapelketaren berrikuntza nabarmenena egutegia eta ordutegia izango dira.
Finalerdiak igande honetan, urtarrilaren 24an, jokatuko dira eguerdiko 12:00etan hasita. Artxibategira joan beharko litzateke jakiteko noizbat jokatu ote den igande eguerdian. Bestetik, finala, urtarrilaren 30ean, larunbatean jokatuko da, baina orutegia ere ez da izango ohikoa. Gaueko 23:00etan jokatuko da.
Lau pilotarik hartuko dute parte txapelketan. Buruz buruko txapelketa nagusian, lehenbiziko lau postutan geratu ziren pilotariak izango dira parte hartzaileak. Aurten, Endikaren baja dela eta 5. postuan geratu zen pilotariak hartuko du parte, Ansa II.ak.
Partidak osatzeko irizpidea finalerdietan lortutako sailkapena izango da. Partida bakarrera jokatuko da eta txapelketako partida guztiak 30 tantora jokatuko dira.
Honela, lehenengo finalerdian Urriza eta Ansa II.a neurtuko dira eta bigarren finalerdian Juanenea eta Barrenetxea IV.ak jokatuko dute bata bestearen aurka.
Bi partida horietako irabazleak pasako dira zuzenean finalera.
40-31 irabazi diete Ansa eta Aizpururi finalean hasierako abantailari ongi eutsita
Urriza eta Labaka dira Binakako Erremontearen txapeldun berriak finalean 40-31, Ansa II.a eta Aizpuru III.ari irabazi eta gero. Gorriek indartsu hasi zuten finala eta hasieran lortutako zazpi tantoko abantaila mantendu zuten partidu guztian zehar. Urdinek ez zuten ongi hasi partidua eta gero finalari buelta ematen saiatu arren akatsak gresti ordaindu zituzten momentu horietan.
Urrizak seigarren txapela du eta denak atzelari desberdinekin irabazi ditu. Pasa den urtean Larrañagarekin batera lortu zuen bosgarrena eta aurten Labakarekin, seigarrena. Atzelari azpeitiarrak aurten egin du debuta txapelketa nagusian eta maila oso ona eman du. Finalean bere maila onenetik gertuen egon zen erremontista izan zen eta gainera lasai aritu zen, urduritasunik gabe. Urriza alboan edukitzeak laguntzen du. Iruindarrak erasoan ez zuen bere partidurik onena egin, baina berriz ere defentsa ikaragarria erakutsi zuen eta Ansaren akatsa etortzen zen defentsa askoren ondoren.
Urdinak urduri aritu ziren, batez ere hasiera. Horren ondorioz 12-4 hasi ziren galtzen. Gero ahaleginak egin zituzten desabantaila murrizteko, baina ez ziren bost tanto baino gutxiagora hurbiltzen. Azken pauso hori eman behar zutenean, hasiera Aizpururen saketik bi faltek eta gero akats batzuk ez zieten uzten gehiago hurbiltzen.
Amaierara gorriak indar gutxiagorekin iritsi ziren eta urdinak lau tantora ere hurbildu ziren, 34-30, baina hortxe geratu ziren Txapelketaren finalera partidurik galdu gabe iritsi ziren eta galdu duten bakarra garrantzitsuena izan zen. Hala ere, azpitxapeldun geratzea ez da emaitza txarra izan.
Gorriek merezimendu guztiz irabazi dute txapela. Hauek ere, partidu bakarra galdu dute eta Urrizak erakutsi du erremontistarikonena dela. Finaleko onena ere aukeratu zuten eta txapelketako aurrelari hoberenaren saria ere eraman du. Atzelari onena Barrenetxea izan da.
Finalean Urrizak 15 tanto eta bi akatsekin bukatu zuen, Labaka bikain egon zen saketik lau tanto eta piloteoan 6 tanto egin eta gero. Bien esperientziak eraman ditu txapela irabaztera. Urdinetan Ansak erasoan tanto asko egin ziuen 20, baina behar baino akats gehiago egin zituen, 10. Aizpuru ez zen aurreko partiduen mailan aritu.
Labaka: “Ikaragarria izan da. Oso ongi hasi gera, sakatzen asamatu dut eta gero eutsi diogu. Hasieran beraiek ez dira ongi sartu eta bukaeran ere berriz asmatu dugu”.
Urriza: “Muy feliz, Hemos salido enchufadísimos. Ellos han tenido dudas y al final a pesar de que hemos llegado más justos hemos aguantado. Hoy queríamos salir bien a pesar de llegar con menos gasolina al final. hemos sabido terminar”
Juanenea-Larrañaga (40-33) eta Segurola-Barrenetxea (40-36) gainditu dituzte, hurrenez hurren, bi finalaurrekoetan.
Binakako Txapelketako finala urtarrilaren 2an jokatuko da Galarretan eta Ansa II eta Aizpuru III, Urriza eta Labakaren aurka neurtuko dira. Ligaxkako bi bikote onenek ere irabazi zuten finalerdia. Ansa II.ak eta Aizpuru III.ak Juanenea eta Larrañagari irabazi zieten lehen finalerdian (40-33) eta Urrizak eta Labakak gauza bera egin zuten bigarrenean (40-36). Beraz, gorriz jokatu zuten bi bikoteak merezimendu osoz iritsi dira finalera, eta orain arte txapelketako onenak izan direla erakutsi dute. Orain, bi bikoteetatik Binakako Binakako 50. Txapelketako txapeldunak nor izango diren jakitea besterik ez da geratzen.
Ansa II.a eta Aizpuru III.a lau garaipenekin iritsi ziren finalerdietara. Horrek konfiantza ematen zien, baina Juanenea eta Larrañagaren aurkako norgehiagokari aurre egiteko ere presioa zen. Oraingoan ere ez zuten huts egin eta beste garaipen batekin, bostetik bostekin, finalera galdu gabe iritsi dira.
Finalerdia gogorra eta borrokatua izan zen gorrientzat. 40-33 irabazi zuten, baina kosta egin zitzaien, batez ere partidaren hasieran. Juanenea indartsu kantxaratu zen eta partidaren pisua lehen tantoetan eraman zuen. Aurrelari urdinaren lan bikain horrek bat eta bi tantoren abantailak ematen zizkien 14-16koan bezala. Larrañaga deseroso hasi zen saskiarekin, eta Ansa eta Aizpuru ez ziren bere onenean ari.
Hortik aurrera, Aizpuru III.ak hartu zuen operazioen ardura eta 14-16tik 24-18ra pasa ziren. 10-2 eta 7-0ko boladak izan ziren gorrien alde eta 24-18 aurretik jarri ziren. Ansa ez zen asko nabarmendu, atzelariak protagonista bihurtu eta Juanenea hasierako protagonismoa galtzen ari zen bitartean.
Gorriek abantailei eutsi zieten, nahiz eta erreakzio urdin txiki bat izan, eta bi tantora jarri ziren, 32-30. Azken hamar tantoetan, Aizpuru bikain batek aldeak markatu, eta gorriek markagailuan alde egin zuten berriro, behin betiko 40-33koa lortzeko. Aizpuruk bederatzi tanto egin zituen sakean eta zazpi piloteoan. Juaneneak bere 14 tantoetatik hamar egin zituen urdinek 15 tanto egin zituztenean. Ansak 19 tanto egin zituen bost huts eginda, Larrañagak, berriz, sei tanto piloteoan eta sei falta.
Piloteatuagoa eta gogorragoa izan zen bigarren finalerdia. Lehen partidak ordubete eta zazpi minutu iraun bazuen, bigarrena ordu eta laurdenera luzatu zen. Gogortasun horren ondorioz, Barrenetxea IV.a baino freskoago iritsi zen Urriza amaierara, eta gorrien azken 14 tantoetatik 12rekin itxi zuen partida (40-36). 34-35 galtzen ari ziren, baina Urrizaren pilotakada batek (35-35) eta Labakaren sake on batzuek 5-0eko partziala suposatu zuten.
Finalerdiak berdintasun handia izan zuen. Guztira 16 berdinketa izan ziren eta inork ez zuen partida hausterik lortu. Egia da urdinek ekimena zertxobait gehiago eraman zutela, Segurola erabakigarri baten laguntzaz, baina alde nagusia bost tantokoa izan zen 21-26koan. Barrenetxea ez zen inoiz eroso egon eta ez zen nagusi izan piloteoan. Segurola bikoteko onena izan zen eta Urrizari ere aurre hartu zion momentu askotan. Urrizak hobeto bukatzen ditu partidak eta markagailua berdinduta dagoenean gehiago. Hotz hasi zen, baina zikloi bat bezala amaitu zuen. Partidaren lehen zatian Labakak ondo eutsi zion partidari eta pilotakada bikainak eman zituen.
Tantoak oso piloteatuak ziren eta alde batera eta bestera erortzen ziren. Sakearekin inork ez zuen minik egiten, eta gorriek gehiago defendatu behar zuten. Gogortasun horrek min handiagoa egin zuen Barrenetxearengan. Urrizak 21 tanto eta hiru huts egin zituen eta horietatik 12 amaieran izan ziren. Segurola oso ondo aritu zen 20 tanto eta 4 huts eginda. Atzean Labakak sei tanto eta hiru sakez egin zituen zazpi eta lau Barrenetxeak. Hori bai, gorriak huts gutxiago egin zituen.
Binakako Txapelketako ligaxka Galarretan bukatu zen azken bi partidekin. Azkenean, Ansa II.ak eta Aizpuru III.ak 40-35 irabazi zuten Goikoetxea V.aren eta Endikaren aurka eta Juanenea eta Larrañaga finalerdietarako sailkatu ziren. Bi bikoteek lau eta hiru puntu lortu dituzte, hurrenez hurren. Ansa II.ak eta Aizpuru III.ak 36 tanto behar zituzten lehen postuan geratzeko, eta horrekin konformatzen ez zirenez, garaipena lortu dute. Larunbatean Juanenea eta Larrañagaren aurka neurtuko dituzte indarrak.
Bigarren finalerdia Urrizak eta Labakak Segurola eta Barrenetxea IV.aren aurka jokatuko dute. Bi bikoteak sailkatuta zeudela jakinda kantxaratu ziren, eta lehia hori finalerdikoa izango dela ere bazekiten. Partida zirraragarria jokatu zuten, gutxitan ikusten den itzulia izan zuena. Segurolak eta Barrenetxeak 13-31 irabazitenzuten, baina azkenean 40-39 galdu zuten Urriza eta Labakaren aurka.
Lehen partida erabakigarriena izan zen. Goikoetxeak eta Endikak sailkatzeko azken aukera zuten jokoan eta partidaren bila atera ziren. 6-9 eta 10-14 aurreratu ziren, baina gorriek irabazi egin nahi zuten. 14-14 berdindu zuten eta 26-20 aurreratu ziren, nahiz eta urdinak tanto batera hurbildu ziren, 34-33, eta sailkatzeko itxaropenari eusten zioten. Amarru horrek ez zuen garaipenik ekarri eta partida 40-35 amaitu zen. Ansa II.ak 20 tanto eta 5 huts egin zituen.
Bigarren partidan 18 tantoko buelta ikusi zen. Urriza eta Labaka hotz hasi ziren eta Barrenetxeak sakearekin agintzen zuen. Urdinak 10-18 eta 12-23 zihoazen markagailuan, eta 13-31 iritsi zen markagailua. Partida amaituta zegoela zirudien, baina gorriek erreakzionatu zuten Urrizaren agindupean, 21 tanto eta bi huts eginda. Pixkanaka partidan sartu ziren eta 36, 37, 38 eta 39 berdindu zuten. Azken bi tantoak Labakak egin zituen, bi hormetan; lehena huts eginda eta bigarrena intentzioz.
Goikoetxea V.ak eta Endikak irabazi egin behar dute finalerdietara pasatzeko
Binakako Txapelketako ligaxka bihar bukatuko da, azken bi partidekin. Finalerdietarako lau bikoeta sailaktuak zein izango diren ezagutuko da eta Goikoetxea eta Endikak irabazi beharra dute.
Lehen partidan Ansa II eta Aizpuru III liderrak izango dituzte aurrez aurre. Irabaztera behartuta daude eta hori eginez gero finalerdietara pasako dira sei punturekin eta kanporatuta geratuko dira Juanenea eta Larrañaga ligaxka lau punturekin bukatu baitute eta bihar atseden hartuko dute. Goikoetxearen eta Endikaren edozein porrotek kanpoan uzten ditu, baita 39 tanto egiten badituzte ere, bi puntu eskuratzeak Juanenea eta Larrañagarekin berdintzen baititu, baina hauek lehia partikularra irabazi zuten.
Ansa II.a eta Aizpuru ligaxkako lehen postuan geratzeko hautagai argiak dira. Hiru partidak irabazi dituzte eta gaur 36 tanto eginda nahikoa dute lehen postua lortzeko. 32-35 tanto artean egiten badute, Urriza eta Labakaren garaipenaren menpe egongo dira. 32ra iritsi ezean, ez lirateke lehen postuan geratuko.
Bigarren partidako bi bikoteak ere finalerdietarako sailkatuta daude. Urrizak eta Labakak Segurola eta Barrenetxea IV.aren aurka neurtuko dituzte indarrak. Puntu bakar batez banatuta daude Segurola eta Barrenetxearen alde. Irabazten duena aurretik geratuko da, eta lehen postua lortzeko aukera ere izango du, baina Ansa II eta Aizpururen partidaren menpe egongo dira. Bigarren edo hirugarren postua ziurtatuta dute bi bikoteek eta finalerdian errepikatu daiteke.
Jaialdia EITBren kanalean ikusi ahal izango da streaming bidez
Biharko jaialdia streaming bidez gozatu ahal izango dute zaleek EITBko kanalean. Zaleek ezin dute oraindik pilotalekura joan. Partidak ikusteko estekak honako hauek dira:
Webgune honek cookieak erabiltzen ditu esperientzia hobetzeko. Nabigatzen jarraitzen baduzu, ados zaudela ulertuko dugu AjusteakOnartu
Cookien Politika
Resumen Privacidad
Webgune honek cookieak erabiltzen ditu web gunean nabigatzen ari zaren bitartean esperientzia hobetzeko. Cookie horietatik, behar bezala sailkatzen diren cookieak zure nabigatzailean gordetzen dira, funtsezkoak baitira web gunearen oinarrizko funtzionaltasunetarako. Hirugarrenen cookieak ere erabiltzen ditugu, webgune hau nola erabiltzen den aztertzen eta ulertzen laguntzeko. Cookie hauek zure nabigatzailean soilik gordeko dira zure baimenarekin. Cookie hauen opt-out aukera ere baduzu. Baina cookie horietako batzuk aukeratzeak eragina izan dezake zure nabigazio-esperientzian.
Beharrezko cookieak guztiz funtsezkoak dira web guneak behar bezala funtziona dezan. Kategoria honetan, web gunearen oinarrizko funtzionalitateak eta segurtasun-ezaugarriak bermatzen dituzten cookieak bakarrik sartzen dira. Cookie hauek ez dute informazio pertsonalik gordetzen.
Beharrezko ez diren cookieak dira web guneak funtziona dezan eta erabiltzailearen datu pertsonalak analisien, iragarkien eta sartutako beste eduki batzuen bidez biltzeko berariaz erabiltzen ez diren cookieak. Nahitaezkoa da erabiltzailearen baimena lortzea bere webgunean cookie hauek exekutatu aurretik.
ekipazio ofiziala
salgai
Oriamendi 2024-2025 ekipazio ofiziala eskuragarri! 🏆✨ Pertsonaliza ezazu zure izenarekin edo jarri gogokoen duzun pilotariaren izena. Lortu zure kamiseta!
