Urriza eta Barrenetxearen arteko lehia estua espero da aurtengo Kutxabank Torneoan

Aug 8, 2020

Gaur aurkeztu da Galarretan eta bihar hasiko da Juanenea eta Larrañagaren finalarekin. 

Buruz Buruko Kutxabank 2020 Torneoa gaur aurkeztu dute Galarretan zazpi erremontistekin. Bihar B taldeko finala jokatuko dute Juanenea eta Larrañagak eta irabazlea txapelketako hurrengo fasera sartuko litzateke. Orduan sartuko dira jokoan Ansa II, Goikoetxea V, Endika, Urriza eta Barrenetxea IV.
Txapelaren defentsa egingo du Endika Barrenetxeak. Pasa den urtean estreinekoz irabazi zuen erremontean dagoen txapelik garrantzitsuena eta aurten bere helburua balentria hori errepikatzea da. Iristea mantentzea baino zailagoa dela esaten da, beraz helburua oraindik eta zailagoa du aurretik atzelari hernaniarrak.  
Horren arrazoia aurkari gogorrak dituela aurrean da eta noski Urriza txapeldun haundiak ‘tronua’ errekuperatzeko helburuarekin irtengo da. Hori bai, aurretik txapelketa interesgarri batek jartzen dituen ztasunak izango dituzte bai batek eta bai besteak.

Finalaurdenetako fasean bakarra sailkatuko da eta abuztuaren 20an amaituko da
B mailako garailea erabakiko da bihar lehendabizi. Juanenea eta Larrañagaren artean partidu estua espero da, biak oso ongi eta maila ezin hobean ari direlako jokatzen. Saria potoloa da, fasez pasatzea eta bi partidu gehiago txapelketan ziurtatzea. 
Finalurdenetako fase hori gaurko garaileak, Ansa II.ak eta Goikoetxea V.ak jokatuko dute. Hiruen arteko ligaxka izango da eta abuztuaren 13an ostegunean hasiko da. Beste bi jardunaldiak abuztuaren 15ean eta 20an jokatuko dira. Puntuazio onena ateratzen duen erremontistak hurrengo fasera egingo du salto eta beste biak kanporatuak geratuko dira. 

Finalerdietako faseko aurrenekoa finalera zuzenean
Hurrengo fase hori finalaurretako fasea izango da eta lau pelotarik jokatuko dute: finalaurdenetako irabazleak, Endikak, Urrizak eta Barrenetxeak. Lehen postuan geratzen den pelotaria, zuzenean finala jokatzeko sailkatuko da.
Bigarren eta hirugarren postuetan geratzen direnak, finalerdietarako sailkatuko dira. Eta laugarren geratzen den pelotaria txapelketatik kanpo geratuko da aurrera ezin joanez.
Bi bikoteen arteko puntu berdinketa badago, bi bikote horien arteko partida irabazi duen bikoteak lortuko du sailkatzea. Hiru bikotek berdintzen badute ordea tanteo globala hartuko da kontutan. 

Finalerdia eta finalak, irailaren 19an eta 26an
Abuztuaren 22, 27, 29 eta irailaren 3, 5 eta 12an jokatuko dira fase honetako sei partiduak. Azpimarragarria da aurten txapelketa luzatu egingo dela eta beste urtetan finala jokatzen den fetxetan aurten ligaxka amaitzen egongo dela. 
Finaleko bidean aurreneko sailkatua zuzenean sartuko da eta irailaren 26an jokatuko da finala. Finalerdia, ligaxkako bigarren eta hirugarren sailaktuen artean irailaren 19an jokatuko da.

Barrenetxeak bigarren txapela lortu nahi du
Aurreko urteetako aurkezpenetan Urriza izaten zen protagonista eta faborito argia. Aurten berriz gauzak aldatu dira eta bi faborito daude txapela irabazteko; Urriza eta Barrenetxea IV. Atzelari hernaniarrak gainera Masterra ere irabazi zuen 2020 urte hasieran eta Urrizaren pare dagoela erakutsi zuen.
Hala ere, ez da ahaztu behar Javier Urrizak sei txapela dituela irabaziak eta azken urteetako txapeldun haundiena izan dela.Bere maila mantentzen du eta azkenaldian jokoarekin dabil. 
Endika ere kontuan hartzeko erremontista da eta zailtasunetan jarri izan du Urriza eta Barrenetxea bein baino gehiagotan gainditu ere bai. Atzoko Galarretako aurkezpenean erremontista denak ilusioarekin eta gogotsu azaldu ziren. 
Partidu guztiak osteguna eta larunbatean jokatuko dira eta puntuaketa ere azken urteetan bezala eramango da ligixketan. Irabazleak lau puntu eskuratuko ditu, 27 eta 29 tanto bitartean geratzen denak bi puntu btuko ditu. 24-26 tanto artean puntu bakarra batuko da, 17-23 puntu artean eginez gero ez da punturik batuko eta 17tik bera puntu bat kenduko da sailkapenean.
Buruz burukoaren 38garren edizioa da aurtengoa eta 1986 urtetik urtero jokatu da. Lehenengo txapelduna Abrego izan zen 1944 urtean eta txapela gehien eskuratu dituena Koteto Ezkurra hamaika txapelekin. 

Larrañagak eta Juaneneak B multzoko finala jokatuko dute

Aug 7, 2020

Larrañagak eta Juaneneak ez zuten sustorik nahi, baina lan egin eta sufritu egin behar izan zuten B multzoko finalerako txartela lortzeko.
Juaneneak 24 tanto egin behar zituen Zubiriren aurka eta 30-24 irabazi zuen txartela lortzeko. Larrañagak 27 batu behar zituen, 30-27 irabazi zuen, baina ederki sufritu zuen Segurolaren aurka.
Bi partidak oso onak izan ziren, oso ondo jokatuta, piloteatuta eta akatsik gabe. Lehenengoan Juaneneak eta Zubirik ikuskizun bikaina eskaini zuten irabazlearen bi akatsekin. Zubirik ez zuen akatsik ere egin, baina ez zion irabazteko balio izan.
Juanenea 6-1 aurreratu zen eta Zubirik 14 eta 16 berdindu zuen arren, lau-bost tantoko zuloa ireki zuen berriro 30-24 bukatzeko. Saldiaskoak 22 tanto egin zituen piloteoan eta 8 sakearekin. Goizuetako atzelariak 15 tanto egin zituen piloteoan eta zazpi sakez.
Beste bakarkakoan Larrañagak Segurolaren aurka aritu behar izan zuen. Soken kontra jarri zuen, eta lan serioaren ondorioz, azkoitiarrak aurrera atera zuen partidua.
Aizarnazabalgoak aurrea hartu zuen 10-14 markagailuan eta Larrañagak 16na, 17na eta 21na berdindu zuen. Segurola 22-25 aurretik jarri zenean akats bat egin zuen eta garesti ordaindu ere bai. Larrañagak oparia aprobetxatu zuen eta 23-25etik 28-25ekora pasa ziren.
Horrenbestez, Juaneneak eta Larrañagak merezimendu osoz irabazi dituzte euren bi partidak eta larunbatean jokatuko dute finala jaialdiko bigarren partiduan.

URRIZAK ETA AIZPURU III-AK ERAMAN DUTE ESTELARRA

Bikotekako estelarrean lau pilotariek partida bikaina eskaini zuten. Jaialdia oso gustukoa izan zen eta baita binakako lehia ere. Urrizak eta Aizpuruk 34-40 irabazi zuten Urrizaren aurka. Bi izarrak bere maila bikainean aritu ziren, Etxarri eta Aizpuruk oso ongi lagunduta.
Gorritak agintzen zuten 24-18ko markagailuarekin, baina 26nako berdinketaren ostean urdinek bost tantoko aldea hartu zuten, 30-35, eta garaipena lortu zuten.
Urrizak 19 tanto eta huts bakarra egin zuen. Segurtasun hori funtsezkoa izan zen. Barrenetxeak sei tanto egin zituen sakean eta hamar piloteoan, baina lau falta ere egin zituen. Etxarrik eta Aizpuruk euren zenbakietan zberdindu egin zuten gei zazpirekin, estelar handi bati distira emanez.

Larrañaga eta Juaneneak sailkapena itxi nahi dute eta aurkezpenean egon

Aug 6, 2020

Kutxabank Torneoaren lehenengo fasearen ligaxka bihar itxiko da Galarretan Juanenea eta Zubiri goizuetarraren arteko eta Larrañaga eta Segurolaren arteko partiduekin. Egia esan Larrañaga eta Juaneneak gertu dute finalerako sailkapena eta Zubirik ezinezkoa eta Segurolak askoz ere zailagoa dute asteartean ate irekiekin jokatu ziren bi partiduak galdu ondoren.Zubirik 30-18 galdu zuen Aizpuru III.aren aurka eta Segurolak 30-26 Zalduaren aurka. Honela, Zaldua kanpoan dago jadanik eta talde horretan Larrañagak 27 tanto egitearekin nahiko du larunbateko finalera sailkatzeko. Segurolak irabazi eta 26an edo gutxiagoan utzi behar du aurkaria sailkatu nahi badu. Beste taldean Juaneneak eta Aizpuruk dute aukera. Zubiri aukerarik gabe dago eta Juaneneak  24 tanto egin behar ditu derrigorrez, ez bada iristen Aizpuru III.a sailkatu litzateke larunbaterako finalera B maila honetan.Denen helburua ostiraleko Kutxabank Torneoaren aurkezpen ekitaldian egotea da. Bertan gehitu zaizkie Goikoetxea V, Ansa II, Endika, Urriza eta Barrenetxea IV.a.

BIHARKO JAIALDIAN HIRU PARTIDA

Biharko gaialdian hiru partidu jokatuko dira. Juanenea-Zubirik lehenengoan jokatuko dute eta Larrañaga-Segurolak hirugarrengoan. Bigarren partida eta estelarra binaka izango da. Berta, Etxarri eta Barrenetxea IV.a hernaniarrak, Urriza eta Aizpuru III.a izango dituzte aurkari. Partidu gogorra eta borrokatua espero da.

Juaneneak eta Larrañagak irabazi dute Kutxabankeko lehen faseko lehenengo partida

Aug 3, 2020

Juaneneak Aizpuru III.ari irabazi zion 30-23 jaialdiko lehenengo partidan eta Banakako Kutxabak Txapelketako lehen fasean. Torneoa ezin izan da modu hobean hasi, irabazleak eta galtzaileak modu zoragarrian jokatu baitute lehen lehia hori.
Juaneneak lan handia egin zuen amaieran, bere sendotasunari eta seriotasunari esker. Aizpuru III.ak gauzak oso zail jarri zizkion eta partida berdinduta eta alde gutxirekin joan zen azken uneraino.
Ikusleek gozatu egin zuten berdinduta joan zen partidarekin. Hor Juaneneak lau-bost tantoko errenta lortu zuen, 25-20, azkenean erabakigarria izan zena. Fisikoki hobeto iritsi zen zati erabakigarrira, eta sakearekin asmatu ez arren, lau tanto egin zituen, piloteoan 20 tanto eta bi huts eginda. Sakearekin falta bat egin zuen.
Aizpuru III.ak ez zuen amore eman eta 16 tanto egin zituen piloteoan eta sei huts egin zituen. Juanenea bera baino hobea izan zen.
Jaialdiko hirugarren partidan eta Kutxabankeko lehen faseko bigarren partidan, Larrañaga Zaldua baino askoz gehiago izan zen. Kantxan alde handia egon zen eta markagailuak ez zion zalantzari zirrikiturik utzi. Azkoitiarra 30-9 nagusitu zen hiruko berdinketaz geroztik buruz buruko lehian nagusituz. Zalduak maila handiagoko erremontista izan zuen aurrean.

ANSA II ETA BARRENETXEA IV NAGUSI URRIZA ETA ENDIKAREN AURKA

Jardunaldiko partida nagusian Ansa II.ak eta Barrenetxea IV.ak 40-30 gainditu zituzten Urriza eta Endika. Barrenetxeak oso angi aritu zen eta aldea ezarri zuen partidan. Endika gainditu zuen, eta, 34-25ean, ezinezko errestoa bat eraman zuen etxolatik, salto eginez, ondoren tantoa amaitu zuen bi hormetarako jokaldi batekin. Zaleek eserlekutik altxata txalotu zuten tantoa. Kalitate handiko jokaldiak egin zituen atzelari hernaniarrak.
Ansa II.ak lagunduta, gipuzkoarrek kontrolpean eraman zuten partida 13-5etik. Hasieratik amaierara agindu zuten. Zortzi, bederatzi, hamar tantoko errenta hori ez zen inoiz arriskuan jarri. Hamalau tantoko maximoa izan zuten, 34-20, eta garaipen erosoa lortu zuten hamar tantoko aldearekin.
Urdinetan Urrizak 50 urteurreneko finalean erakutsi zuen mailatik behera egon zen. Oraingoan 12 tantotan geratu zen hiru akatsekin. Endikak ere ezin izan zuen agindu sei tanto eta hiru sakeko gehiagorekin. Ez ziren nahikoak izan. Barrenetxeak 12 tanto egin zituen piloteoan, bost saketik eta bi akats baino ez. Ansak ere tanto mordoa egin zituen.

Galarretak larunbatean irekiko ditu berriz ateak Buruz Buruko txapelketarekin

Jul 29, 2020

Buruz burukoaren Txapelketa ate joka dugun honetan, larunbatean, abuztuak 1, Galarretak ateak zabalduko ditu astebeteko geldialdiaren ondoren. Nahiz eta ateak itxita egon ikuslentzat, frontoian banakakoaren aurrekoaren partiduak jokatu dira modu pribatuan. Bost erremontista bi multzotan egon dira banatuak.Lehenengo multzoan Zaldua II.a azkenean ez da aritu eta Aizpuru III.ak Labaka gainditu zuen. Honela, azpeitiarra hurrengo fasera sailkatu da eta bertan Juanenea eta Zubiri izango ditu aurkari. Bigarren multzoan Zaldua eta Urrutia II.ak elkarren aurkako partiduan erabakiko dute nor pasako den hurrengo fasera. Etxarri kanpoan geratu da. Irabazlea Larrañaga eta Segurolaren aurka ariko da. Honela,larunbateko jaialdian bi buruz buruko partida eta binakako bat jokatuko dira. Juanenea eta Aizpuru III.a neurtuko dira batetik, eta Larrañaga niharko irabazlearen kontra bestetik. Binakako estelarrean Ansa II eta Barrenetxea IV, Urriza eta Endikaren kontra ariko dira.

Gogoratu musukoa derrigorrezkoa dela frontoiko edozein gunetan bai zutik, baita eserita ere.

Urriza eta Zubirik ezin hobe jokatuta 50 Urteurren Txapela irabazi dute

Jul 18, 2020

Urriza eta Zubiri erraz gainditu dituzte Juanenea eta Endika, 16-35, Galarretako 50.Urteurren Txapelketan. Iruñeko eta Goizuetako bikoteak bere mailarik hoberenean jokatu zuten eta aurkariak ezinean aritu ziren. Hala ere, urdinen birtutez aritu ziren ezinean. Urriza hasieratik jokoan sartu zen eta tantoak erraz amaitzen zituen. Zubirik Endika eutsi bakarrik ez, gainditu ere egiten zuen. Sakearekin bikain ibili zen eta aukerarik ez zuten eman. Partidua berdindua eta oso bizi hasi zen, baina launako berdinketa eta gero 0-8ko partziala egin zuten Urriza eta Zubirik, zortzi tantoko abantaila lortuz. Hortik aurrera abantaila ongi eutsi zuten. Gorriak sahiatu ziren eta lau tantora ere hurbildu ziren, 8-12, baina berrez ere aldea bederatzi tantora zabaldu zuten, 11-20. Lehenengo atsedena eta gero jokoa ez zen asko aldatu. Pilota bizi ibili zen eta tanto borrokatuak ikusi ziren, hori bai ia beti urdinen alde erortzen ziren. Urrizaren defentsa ikaragarria izan zen eta erasoan Zubiri eta biak ezin hobeto jardun ziren. 15-22koa Juaneenak egin zuen eta hortik aurrera bikote bakarra egon zen kantxan. Abantaila 15-26ra zabaldu zuten eta Juanenearen azken tantoa eta gero beste bederatzi tanto jarraian egin eta 16-35 itxi zuten markagailua. Azken tantoetanbakarrik etsi zuten gorriek, azken lau tantoetan, ordura arte urdinen birtuteak nagusitu ziren. Bai atzean eta bai aurrean gehiago izan ziren eta garaipenak ez zuen aitzakiarik izan. Dirua parean irten zen, baina partidua ez zen arekatua joan. Markagailua erakusgarri izan zen. Pilotarien zenbakiak ere bai. Urrizak 18 tanto egin zituen, pilota bakarra huts egin gabe. Zubirik zortzi tanto egin zituen piloteoan eta lau sakez. Goizuetarrak bi akats bakarik egin zituen. Gorrietan Juaneneak bederatzi tanto egin zituen eta hutsegite bakarra. Endkak lau tantorekin amaitu zuen, hiru akatsekin piloteoan, sakearekin tanto bat eta falta bat egin zuen. Partidu amaieran Juaneneak “ridikulu” hitza erabili zuen eta Zubirik azpimarratu zuen “entxufatuta” sartu zirela bai bera eta Urriza.