Hirugarren larunbata jarraian Galarretara hurbildu ziren zaleek maila handiko estelarraz gozatu ahal izan zuten. Segurola eta Barrenetxea IV.ak 40-37 irabazi zieten Ansa II eta Azpirozi. Partida ikusgarria izan zen.
Segurola eta Barrenetxea oso indartsu hasi ziren. Barrenetxea ezin sendoago eta ezin hobeto ari zen eta urdinek ez zuten bikote gorriari aurre egiteko modurik ikusten. Tarte horretan, Barrenetxeak 15 tanto zeramatzan, eta nahi bezala ari zen. Hala ere, urdinen erreakzioak, ezustean, gorrien joko zirraragarria gelditzea lortu zuen. Ansa berotzen hasi zen eta tantoak bata bestearen atzetik bukatzen zituen. Errenta txikitzen hasi zen, 23-8 25-16, 27-24, 30-29 eta 32nako eta 34nako berdinketak ere egon ziren.
Bazirudien harrapatu eta gainditu egingo zituztela gorriak, baina ez. Segurolak eta Barrenetxeak indarrak atera zituzten eta hiru tantoko errenta hartu zuten, 37-34, 39-35era joan eta 40-37ko partida ixteko.
Barrenetxea eta Ansa nabarmendu ziren bikote bakoitzean. Urnietako aurrelariak 20 tanto egin zituen, hernaniarrak berriz 21 tanto lortu zituen, 10 saketik eta 11 piloteoan. Segurolak 12 tanto egin zituen eta Azpirozek ere partida bikaina jokatu zuen.
Urrizak eta Zubirik (Larre Gain) osatutako bikoteak berriro irabazi zuen astelehenean, Sagardoaren Txapelketan,, Aldabe eta Larrañaga 30-17 menderatuta. Bereziartua ordezkatzen duen bikoteak ez du garaipenik lortu, eta hiru neurketa jarraian galdu ondoren ez dute punturik batu. Hala ere, oraindik sailkatzeko aukerak dituzte. Bi partidu geratzen zaizkie eta biak irabaziz gero, hirugarren ere sailkatu daitezke. Bestalde, bikote irabazlea sailkapeneko bigarren postuan kokatu da, jokaturiko bi partiduak irabazi eta gero.
Jaialdiko bigarren partida lehiatuagoa izan zen, baina azkenean Segurolak eta Azpirozek (Petritegi) garaipena lortu zuten Ezkurra II.aren eta Zaldua I.aren (Gurutzeta) aurka (29-30). Emaitza honekin, Segurola eta Azpiroz hirugarren posturaino igo dira, eta Ezkurra II.ak eta Zaldua I.ak bosgarren postuan jarraitzen dute, partidu baten faltan. Oraindik ere ez dago argi azkenaurreko postu hori norentzako izango den.
Urriza eta Zubiri nagusi izan ziren aurreneko partiduan. Hasieran lehia izan zen, baina pixkana-pixkana abantailak lortzen hasi ziren eta 10-6 eta gero ihes egin zuten 24-13. Partidua erabakita zegoen eta azkenean nahiz eta puntu negatiboa ez izan, 17an geratu ziren urdinak .
Partidu ikusgarriagoa izan zen bigarrena. Urdinak ongi hasi zuten partidua eta abantaila politak lortu zituzten, 6-11, 8-15, 8-18, 18-27. Ezkurra II.a ez zen ongi aritu hasieran eta ez zuen bere lekua bilatzen kantxan. Urdinak aldiz oso eroso ari ziren jokatzen. Hamar tantoko abantailak erabakigarria zirudien, baina gorriek ez zuten amore eman.
Segurola eta Azpirozek zailtasunak izan zituzten partidua ixteko eta 20-28tik, 24-29ra pasa ziren. Bost tantora zeuden gorriak, baina bakarra falta zuten urdinek. Urduritasuna nabaritu zitzaien eta Ezkurra eta Zalduak 29na berdintzea lortu zuten. AZken tanto ikusgarria jokatu zuten lau erremontistek. Ezkurrak eskura izan zuen garaipena bi paret batekin, baina Azpirozek ongi eraman zuen eta Segurolak aukera izan zuenean ez zuen hutsik egin. Nahiz eta larri izan, lortu zuten garaipena.
Ansa II.ak eta Barrenetxea IV.ak 40-38 irabazi zieten Urriza eta Azpirozi mailako ikaragarriko partida batean. Lau pilotariak ikusgarri aritu ziren, mailarik onenean, eta ordu eta erdiko borroka baten ondoren, Barrenetxeak Urrizak eraman ezin izan zuen pilota gurutzatu zuen. 40-38koa zen, baina aurretik gauza asko ikusi ziren eta denak onak.
Gorriak nagusi izan ziren markagailuan, baina urdinak gertu izan ziren, eta ez zuten apenas huts egin. Hori bai, sakean Barrenetxeak min egiten zuen eta Ansak abiadura handia eman zion pilotari. Horrek hasieratik abantailak ekartzea eragiten zuen. Zortzi tantoko errenta ere izan zuten, 20-12, baina urdinek partida orekatu zuten bi tantora hurbilduz, 24-22.
Gorriek sei tantoko aldea ireki zuten berriz ere, 36-30, baina ahalegin eta lanaren poderioz, lehia tarte erabakigarrian sartu zen abantaila gutxirekin. 39-38koan Barrenetxeak bere maila erakutsi zuen atzealdean.
Azpimarratzekoa da Urrizak eta Barrenetxeak jokatu zuten partida, baina Ansak ez zuen huts egin eta erasoan eta defentsan oso ondo aritu zen. Azpirozek ez zuen ia huts egin partida osoan eta errebote bakarra galdu zuen. Hori izan zen bere ahulezi bakarra, zerbait esatearren. Gainerakoan, behin baino gehiagotan altxatu ziren zaleak eserlekuetatik. Barrenetxeak zortzi tanto egin zituen saketik eta hamaika piloteoan, lau huts eginda. Azpirozek saketik egindako tanto batekin amaitu zuen, sei piloteoan eta huts bakarra. Urrizak 13 tanto ere egin zituen erasoan Ansaren hamar tantoren truke. Guztira Iruñeko aurrelariak 21 tanto egin zituen bi huts eginda.
Apezetxearen bolada eten da Apezetxeak bere lehen partida profesionala galdu zuen. Seigarrenean izan da. Aurreko bost partidak irabazi zituen, baina seigarrenean Urrutia II-Martirenak 35-30 irabazi zieten Loitegi eta Apezetxeari. Jaialdiko lehen partidan Goikoetxeak aldeak ezarri zituen eta Odeirekin 24-35 irabazi zieten Susperregi eta Zubiriri.
Goikoetxea V.a eta Barrenetxea IV.ak (Oialume Zar) eta Ansa II.ak eta Juaneneak (Setien), Sagardoaren Txapelketan, finalerdietan sartzeko pauso garrantzitsua eman zuten astelehenean Erremontari saioan.
Goikoetxea eta Barrenetxea nagusi izan ziren lehenengo partiduan eta 30-20 garaitu zituzten Aldabe eta Larrañaga (Bereziartua). Bigarren partiduan oraindik eta alde handiagoa izan zen eta Ansa eta Juanenea, 30-18, gailendu ziren Ezkurra II eta Zalduaren (Gurutzeta) kontra.
Garaileek lau puntu gehiago dituzte sailkapenean eta galtzaileek ez zuten punturik lortu asteleheneko jardunaldian. Honela, Oialume Zar sagardotegiak 9 puntu ditu bi partidetan eta bakarraren faltan, finalerdietarako sailkapena oso gertu du. Aldabe eta Larrañagak ordea ez dute bi partidetan punturik batu eta horrek Bereziartuaren sailkapena asko zailtzen du. Geratzen zaizkien bi partidak ia derrigor irabazi beharrean dira.
Setienek ere bideratua du sailkapena bi partidetan sei puntu lortu eta gero, baina oraindik ere asko urruti dute. Beste bi puntu, agian, lortu beharko dituzte gutxienez. Ezkurrak eta Zalduak (Gurutzeta), galdu arren, aukera guztiekin jarraitzen dute sailkatzeko.
Partidei dagokienez. Lehenengo partiduan Goikoetxea eta Barrenetxea nagusi izan ziren. Parekotasunak hamar tanto iraun zituen. Launako berdinketa eta gero gorriak abantailak lortzen hasi ziren eta ihes egin zuten markagailuan, 8-5 eta 15-8. Abantaila ezin hobeto kudeatu zuten eta urdinek ez zuten, inoiz, partidan sartzeko aukerarik izan. 20-14, 24-15, 26-19 eta 30-20 izan zen markagailuaren mugimendua.
Barrenetxea izan zen pelotaririk onena. Saketik min asko egin zuen eta 17 tanto egin zituen guztira. Jaun eta jabe izan zen. Hiru akats bakarrik egin zituen. Larrañagak ez zuen gaizki jokatu, baina bederatzi tanto eta bi akats ez ziren nahikoak izan. Aurrelarien artean Goikoetxeak hamar tantorekin amaitu zuen eta hiru akatsekin. Aldabek berriz bost tanto eta akats bakarra egin zuen.
Bigarren partiduan Juaneneak eta Ansak erraz irabazi zuten. Hasieratik ihes egin zuten, 8-2, eta partida mendean eraman zuten. Ezkurra eta Zaldua ezinean aritu ziren eta ez zuten egunik onena izan. Aldeak beti izan ziren handiak: 15-8, 19-11, 24-13 eta 30-18. Markagailuak partidaren norabidea erakutsi zuen, urdinentzako nahi eta ezina.
Ansaren eta Juanenearen erakustaldiak nabarmentzekoak izan zen. 13 tanto egin zituen eta ez zuen akatsik egin aurrelariak. Inoiz baino seguruago aritu zen. Horren arrazoietako bat Juanenearen laguntza eta lana izan ziren. Konfidantza asko eskaini zion. Juaneneak 11 tanto eta akats bakarrarekin amaitu zuen. Ezkurrak 12 tanto eta lau akats egin zituen eta Zalduak, bost tanto eta hiru akats.
Erremonte jaialdiak larunbatero itzuliko dira Galarretan, bihartik aurrera. 16:30etan hasiko dira jaialdiak eta hiru partidu iragarriko dituzte larunbatero. Larunbatetako itzulera honetan, lehenengo jaialdian, estelar interesgarria iragarri da.
Ansa II eta Larrañagak, Ezkurra II.a eta Juanenearen aurka jokatuko dute. Gipuzkoarren eta nafarren arteko partidua izango da eta oso parekatua izatea espero da. Estelarra 40 tantora jokatuko da eta lehendabiziko partidua eta hirugarrena 35 tantora.
Lehendabiziko partiduan Etxarri eta Odeik, Urrutia II.a eta Martirenaren kontra ariko dira eta jaialdia itxiko du, Goikoetxea V-Apezetxea, Loitegi-Labaka partiduak. Gogoa dago Apezetxea goizuetarra berriz ere ikusteko. Berria txapelketan estreinatu zen eta partidu guztiak irabazi zituen eta oraindik ez du porrota ezagutzen profesional mailan.
Sagardoaren Txapelketa, 18:00etara aurreratu da
Astelehenero Sagardoaren Txapelketak jarraituko du, ekainera luzatuta, Erremontari saioaren barruan. Partiduak 22:30etan eskaintzen diren arren ETB1en, partiduak arratsaldean zehar jokatzen dira Galarretan. Hernaniarrak gonbidatuak daude jaialdira eta ordu aldaketa izango da asteleheneko jaialdian. Orain arte 19:00etan hasten zen, eta astelehenetik ordubete aurreratu eta 18:00etan hasiko da txapelketako lehenengo partidua eta jarraian jokatuko da, 19:15ak aldera, bigarrena.
Oraindik ez dira iragarri hirugarren jardunaldiko bi partiduak, baina bigarren partiduak jokatuko dituzte bikote gehienek. Hirugarren partidua jokatuko duenik ere egongo da.
Sagardoaren Txapelketako bigarren jardunaldia jokatu zen astelehen ilunabarrean, Erremontari saioaren (ETB1) barruan eta Ezkurra II-Zaldua I ETA Segurola-Azpiroz bikoteek lehenengo garaipena lortu zuten.
Ezkurra II.ak eta Zalduak lehenengo partidua jokatu zuten txapelketan, Gurutzeta sagardotegia ordezkatuz, eta garaipen esanguratsua eskuratu zuten, 30-23, Aldabe eta Larrañagaren aurka. Hauentzako ere lehenengo partidua izan zen eta punturik gabe geratu ziren. Aldabek eta Larrañagak Bereziartua sagardotegia ordezkatzen dute.
Partidua ongi hasi zen urdinentzat. Aldabe bikain hasi zen, tantoak amaitzen, eta Larrañagak mendean zuen Zaldua. horri esker 2-8 aurreratu ziren markagailuan. Hala ere gorriek azkar erreakzionatu zuten eta zortzina berdintzea lortu zuten. Ezkurra II.ak motorrak berotu zituen eta Zaldua sakearekin min egiten hasi zen. Partidua berdinduta joan zen 13-12ra arte, baina orduan gorriek lau tantoko abantaila hartu zuten, 16-12. Ez zen abantaila erabakigarria, inondik inora, baina Ezkurra eta Zalduak ongi eutsi zioten lauzpabost tantoko aldeari amaierara arte, 21-17, 23-19, 25-21, 27-22, 28-23. Azken bi tantoak gorriek egin zituzten eta punturik gabe utzi zituzten aurkariak. Josetxo Ezkurra izan zen onena 16 tanto eta bost akatsekin. Zalduak ongi babestu zuen Ezkurra zortzi tanto eta bi akatsekin. urdinetan Aldabek 11 tanto eta bost akats egin zituen eta Larrañagak bost tanto eta tanto bakarra hutsegin zuen.
Bigarren partiduan Segurolak eta Azpirozek aurreko asteko arantza atera zuten. Bikain aritu ziren Goikoetxea eta Barrenetxearen aurka. 25-30 lortu zuten garaipena eta 20-29 ere joan ziren aurretik. Azken tanto hori egitea kosta zitzaien, baina lortu zuten. Gorriek puntua batu zuten azken bost tantoei esker. Oso partidu sendoa izan zen, lau erremontistak ongi aritu ziren eta akats gutxikoa izan zen. Markagailuan tanto bolada luzeak ikusi ziren, baina urdinak bolada gehiago eta hobeak izan zituzten. Bai Segurola eta bai Azpiroz bikain sartu ziren partiduan eta 0-5 eta 3-10 aurreratu ziren. Hala ere, gorriek tanto bakarrera hurbiltzea lortu arren, 12-13, bigarren bolada izan zuten urdinek eta 12-13tik 12-21era joan ziren markagailuan. Sendo, abantailari eutsi zioten eta hamar tantoko aldea ere izan zuten 18-28koan. 20-29 eta gero partidua ixtea kosta arren, azken tantoa urdinen alde erori zen 25-30. Atzelarien partidua izan zen eta hori bien artean parekotasun handia izan zen. Barrenetxeak 14 tanto eta lau akatsekin amaitu zuen eta Azpiroz bere pare aritu zen 12 tanto eta bi akatsekin. Aurrean Segurolak partidu oso ona burutu zuen hamar tanto eta akatsik egin gabe. Hamarreko partidua. Goikoetxeak 9 tanto eta lau akats egin zituen.
Webgune honek cookieak erabiltzen ditu esperientzia hobetzeko. Nabigatzen jarraitzen baduzu, ados zaudela ulertuko dugu AjusteakOnartu
Cookien Politika
Resumen Privacidad
Webgune honek cookieak erabiltzen ditu web gunean nabigatzen ari zaren bitartean esperientzia hobetzeko. Cookie horietatik, behar bezala sailkatzen diren cookieak zure nabigatzailean gordetzen dira, funtsezkoak baitira web gunearen oinarrizko funtzionaltasunetarako. Hirugarrenen cookieak ere erabiltzen ditugu, webgune hau nola erabiltzen den aztertzen eta ulertzen laguntzeko. Cookie hauek zure nabigatzailean soilik gordeko dira zure baimenarekin. Cookie hauen opt-out aukera ere baduzu. Baina cookie horietako batzuk aukeratzeak eragina izan dezake zure nabigazio-esperientzian.
Beharrezko cookieak guztiz funtsezkoak dira web guneak behar bezala funtziona dezan. Kategoria honetan, web gunearen oinarrizko funtzionalitateak eta segurtasun-ezaugarriak bermatzen dituzten cookieak bakarrik sartzen dira. Cookie hauek ez dute informazio pertsonalik gordetzen.
Beharrezko ez diren cookieak dira web guneak funtziona dezan eta erabiltzailearen datu pertsonalak analisien, iragarkien eta sartutako beste eduki batzuen bidez biltzeko berariaz erabiltzen ez diren cookieak. Nahitaezkoa da erabiltzailearen baimena lortzea bere webgunean cookie hauek exekutatu aurretik.
ekipazio ofiziala
salgai
Oriamendi 2024-2025 ekipazio ofiziala eskuragarri! 🏆✨ Pertsonaliza ezazu zure izenarekin edo jarri gogokoen duzun pilotariaren izena. Lortu zure kamiseta!
