Bihar jokatuko da Oriamendi Torneoko final handia. Goikoetxea V.ak eta Labakak finalerako bidean partida guztiak irabazi dituzte, sei, eta Segurola eta Zaldua I.ak bakarra galdu zuten, biharko aurkarien aurka 40-39..
Bi bikoteak merezimendu osoz iritsi dira finalera eta torneoko onenak direla erakutsi dute. Erremontisten erregulartasunak eta sasoi onak ikuskizuna ziurtatzen dute ikuslerik izango ez duen final batean.
Goikoetxea eta Segurola izan dira txapelketako protagonista nagusiak aurreko koadroetan eta orain arteko onenak orokorrean ere bai. Bien arteko borrokak erabaki dezake finala. Bi pilotari boteretsu eta kolpe handikoak dira, ondo ateratzen duten bi atzelarirekin batera. Labaka edo Zalduak beraien jokoa hobetzen badute partida hautsi dezakete.
Ligaxkako partida ezin parekatuagoa izan zen eta horrek bi bikoteek duten antzeko maila adierazten du. Ostegunean pilotak aukeratu zituzten. Segurolak ezin izan zuen Galarretan egon, baina Zalduak aukeratu zituen finala urdinez jokatuko duten bikotearentzat. Goikoetxeak eta Labakak gorriz jokatuko dute.
Goikoetxea V-Labakak 40-32 gainditu zituzten Mirubia eta Martirena Oriamendi Torneoko bigarren finalerdian, eta Segurola eta Zaldua I.aren aurkariak izango dira larunbatean, martxoak 27, Galarretan jokatuko den finalean.
Goikoetxeak eta Labakak ez zuten partidarik galdu ligaxkan eta finalerdian ere ez dute hutsik egin.
Mirubiak eta Martirenak 25eko berdinketara arte eutsi zuten, baina orduan Labakak, partidako erremontista onena izan zenak, min handia egin zuen sakearekin zabaletik aterata.
Sakeko tanto batzuk kateatu zituen eta 26-30 eta 30-36 ihes egin zuten. Abantaila hori erabakigarria izan zen.
Labakak egin zuen aldea tarte horretan, oso parekatua izaten ari zen partida batean. Goikoetxeak maila handian eta erregularrean jokatzen jarraitzen du, Martirenak Labakari aurre egin zion bitartean. Beharbada, Mirubia izan zen bere maila onena eman ez zuena edo hobeto esanda beldurti samar egon zena. Hor ihes egin zien urdinei garaipenak.
Labakak 16 tanto eta bi akats besterik ez zituen egin. Martirenak asko atera zuen eta 16 tanto ere egin zituen, baina zerbait gehiago huts egin zuen. Aurrelarien arteko borrokan Goikoetxeak 14 tanto egin zituen.
Segurolak eta Zaldua I.ak 40-36 irabazi zuten Oriamendi Torneoko lehen finalerdia, Urrutia II-Aizpuru III.aren aurka, eta txapelketako lehen finalistak dira.
Lau erremontistek partidu berdindua eta ondo jokatu zuten, eta 15-4ko partzial batek Segurolaren eta Zalduaren alde erabaki zuen.
20ko berdinketaren ostean urdinek 25-31 ihes egin zuten, baina hor Urrutiak bihurrikeria bat izan zuen eta nabaritu egin zen. Zalduak hobeto atera zuen une horietan eta tanto erabakigarriak egin zituen.
Segurolak, agian, finalerdia izateagatik ez zuen aurreko partidetan adina arriskatu eta tantoak egitea kostatu zitzaion, baina seriotasunari eutsi eta garaipena lortu zuten.
Partida polita izan zen eta Aizpuruk eraman zuen ekimena jokoan partiduaren erdialdean. Bere unerik onenak 25-31 ihes egin zutenean izan ziren, baina azkenean amore eman behar izan zuten.
Oriamendi Torneoko ligaxka atzo iritsi zen amaierara Segurola-Zaldua I bikoteak Urrutia II-Aizpuru III.aren aurka eta Zaldua II-Larrañagak Mirubia-Martirenaren aurka lortutako garaipenekin. Emaitza horiek ez dute eragin handirik sailkapenean.
Goikoetxea V.ak eta Labakak 20 punturekin bukatu dute lehen postuan, Segurolak eta Zaldua I.ak bigarren16 punturekin, Urrutia II-Aizpuru III.ak hirugarren 14 punturekin eta Mirubiak eta Martirenak 10 punturekin laugarren amaitu dute. Zaldua II-Larrañaga 7 punturekin eta Etxarri-Zubiri lau punturekin geratu dira txapelketatik kanpo.
Finalerdiak Goikoetxea eta Labakak, Mirubia eta Martirenaren aurka eta Segurola-Zaldua I.ak Urrutia eta Aizpururen aurka jokatuko dituzte.
Hain zuzen ere, bigarren partida hau izan zen gaurko lehen partida. Partida parekatu batean Segurolak eta Zalduak 40-38 irabazi zuten. Segurola izan zen berriz ere pilotari aipagarriena eta 38rekin berdinduta zihoazenean urdinen bi akatsek partida oso parekatua erabaki zuten.
Bigarren partidan Zaldua II.ak eta Larrañagak 40-32 hartu zituzten mendean Mirubia eta Martirena. Gorriak azken bi partidak irabaziz amaitu dute, baina ez dute sailkatzeko balio izan. 30. berdinketara arte partida parekatua izan zen, baina Mirubia eta Martirenak amaieran akats batzuk egin zituzten.
Bihar Oriamendi Pilota Eslokaren Txapelketa jarriko da martxan Galarretan. Bertan, afizionatu mailako bost bikotek hartuko dute parte eta lehenengo txapelketa da mota honetakoa.
Bikoteak ondorengoak dira: Loitegi-Goikoetxea, Matxin VII-Aiestaran VI, Ibarguren-Akuxi, Odei-Eskudero eta irazu-Murgiondo. Denak denen aurka jokatuko dute lehenengo fasean eta bakarra geratuko da kanpoan.
Lau lehendabizikoak finalerdietara pasako dira eta bertan lehenengo sailkatua laugarrenaren aurka neurtuko da eta bigarren sailkatua hirugarrenaren aurka, apirilaren 16an.
Finalerdietako bi garaileak finala jokatuko dute apirilaren 23an Galarretan.
Ligaxkaren sailkapena puntuaketaren araberakoa izango da eta beti bezala banatuko dira puntuak; lau puntu irabazleak, bi puntu 39-36 tanto bitartean, bakarra 35-32 tanto bitartean, punturik ez 31-26 tanto bitartean eta puntu negatiboa 25 tanto edo gutxiago egiten badira.
Ligaxka bihar bi partidarekin hasiko da. Lehenengoan Loitegi-Goikoetxea, Matxin VII-Aiestara VI.aren aurka neurtuko dira eta bigarrengo partidan Odei-Eskudero, Irazu-Murgiondoren kontra.
Oriamendi Torneoaren ligaxka fasea azken jardunaldian dago eta ostegunean Etxarri eta Zubiri goizuetarrak azken partidua jokatu zuten. Hau ere galdu egin zuten, 40-36, Goikoetxea V eta Labakaren aurka eta beraz, bost partiduetatik bostak galdu dituzte.
Azken norgehiagoka honetan bi puntu batu zituzten eta guztira lauekin amaitu dute. Finalerdietara sailkatzeko aukerarik gabe iritsi ziren azken partidura.
Aldiz, Goikoetxea eta Labakaren egoera guztiz kontrakoa zen. Lehenengo postuan iritsi ziren azken partidu horretara lau partiduak irabazita eta azken hori ere irabazi ondoren 20 punturekin lehendabiziko postuan amaituko dute ligaxka. Bostetik bost garaipen lortu dituzte eta orain finalerdietako aurkaria nor izango den zain daude. Oraingoz txapelketa ezin hobea ari da jokatzen bikote gipuzkoarra.
Webgune honek cookieak erabiltzen ditu esperientzia hobetzeko. Nabigatzen jarraitzen baduzu, ados zaudela ulertuko dugu AjusteakOnartu
Cookien Politika
Resumen Privacidad
Webgune honek cookieak erabiltzen ditu web gunean nabigatzen ari zaren bitartean esperientzia hobetzeko. Cookie horietatik, behar bezala sailkatzen diren cookieak zure nabigatzailean gordetzen dira, funtsezkoak baitira web gunearen oinarrizko funtzionaltasunetarako. Hirugarrenen cookieak ere erabiltzen ditugu, webgune hau nola erabiltzen den aztertzen eta ulertzen laguntzeko. Cookie hauek zure nabigatzailean soilik gordeko dira zure baimenarekin. Cookie hauen opt-out aukera ere baduzu. Baina cookie horietako batzuk aukeratzeak eragina izan dezake zure nabigazio-esperientzian.
Beharrezko cookieak guztiz funtsezkoak dira web guneak behar bezala funtziona dezan. Kategoria honetan, web gunearen oinarrizko funtzionalitateak eta segurtasun-ezaugarriak bermatzen dituzten cookieak bakarrik sartzen dira. Cookie hauek ez dute informazio pertsonalik gordetzen.
Beharrezko ez diren cookieak dira web guneak funtziona dezan eta erabiltzailearen datu pertsonalak analisien, iragarkien eta sartutako beste eduki batzuen bidez biltzeko berariaz erabiltzen ez diren cookieak. Nahitaezkoa da erabiltzailearen baimena lortzea bere webgunean cookie hauek exekutatu aurretik.
ekipazio ofiziala
salgai
Oriamendi 2024-2025 ekipazio ofiziala eskuragarri! 🏆✨ Pertsonaliza ezazu zure izenarekin edo jarri gogokoen duzun pilotariaren izena. Lortu zure kamiseta!
