Hernaniko Galarreta pilotalekuan aurkeztu zen 39. Buruz Buruko Erremonte Txapelketa-Kutxabank Sari Nagusia. Javier Urriza izango da faboritoa, baina ez zen ekitaldian izan, konfinatuta baitago. Hori bai, Iruñeko txapelduna gainditzen saiatuko diren beste bost erremontistek ez zuten hutsik egin. 2019ko txapelduna izan zen Barrenetxea IV.a, Juanenea, Ansa II.a, Aizpuru III.a eta Zubiri ere bertaratu ziren.
Kutxabank Txapelketa larunbat honetan bertan hasiko da, uztailaren 31n, Zubiri atariko irabazlearen eta Ansa II.aren arteko norgehiagokarekin. Aurreligaxka bat izango da eta Ansa, Zubiri eta Aizpuru III.ak jokatuko dute. Hiru erremontistek lehen postuan geratzea izango dute helburu eta irabazlea finalerdietako ligaxkara pasako da. Bigarren eta hirugarren sailkatuak kanporatuta geratuko dira. Sailkapena puntuka neurtuko da berriro eta hiru partida jokatuko dira.
Txapelketako partida guztiak ostegun eta larunbatetan jokatuko dira 17:00etan hasiko diren jaialdietan. Beraz, lehen ligaxkako bigarren partida abuztuaren 5ean jokatuko da eta hirugarrena abuztuaren 7an. Lehen sailkatua finalerdietako bigarren ligaxka batera igaroko da, eta bertan, txapelerako faborito nagusiak izango ditu zain: Urriza, Barrenetxea IV.a eta Juanenea. Laurek denen aurka jokatuko dute sei jardunaldi edo sei partidatan. Lehen sailkatua irailaren 11ko finalera pasako da eta bigarren eta hirugarren sailkatuak irailaren 4an jokatuko den finalaurreko batean lehiatuko dira. Ligaxka ixten duena txapelketatik kanpo geratuko da. Sailkapena puntu bidez izango da berriro. Berdinketa gertatuz gero, tartean daudenen arteko lehia hartuko da kontuan, eta berdinketa hirukoitza izanez gero, tanteo globala baloratuko da. Finalerdietako ligaxkako lehen partida, ohi bezala, aurreko edizioko txapeldunak irekiko du, Urrizak kasu honetan, eta aurreko ligaxkako txapeldunaren aurka neurtuko ditu indarrak. Hori abuztuaren 12an izango da eta Barrenetxea eta Juanenea abuztuaren 14an estreinatuko dira. Beste lau jardunaldiak abuztuaren 19an, 21ean, 26an eta 28an jokatuko dira.
Aurkezpenean, ekitaldiaren babesle nagusiak ere egon ziren. Estitxu Urbietak ordezkatu zuen Kutxabank, eta aurten Donostia Turismoaren laguntza paregabea izango du. Eider Calderón zuzendariak ordezkatu zuen Donostiako erakundea. Xabi Gonzalez Oriamendi2010eko gerenteak Kutxabank Txapelketaren garrantzia azpimarratu zuen eta jasotako laguntza eskertu zuen Oihane Mateos kazetariak zuzendutako aurkezpen batean.
Datorren asteazkena, uztailak 14 (17:00h) jokatuko dira San Fermin txapelketaren final handiak Galarreta Jai-alai pilotalekuan. Bertan bi final handi ikusteko aukera izango dugu.
Alde batetik URRIZA eta AIZPURU III-ak ANSA II eta LARRAÑAGAren aurka jokatuko dute eta bestetik URRUTIA II eta MARTIRENAK, LOITEGI eta ZUBIRIren aurka jokatuko dute. Ez galdu final eder hauek ikusteko aukera. Lortu hemen zure sarrera:
Sei bikote ariko dira Masterrean aritutako erremontistarik gabe
Oriamendi Torneoa aurkeztu zuten asteartean Galarretan eta txapelketaren lehenengo jardunaldia bihar jokatuko da Hernaniko frontoian ateak itxita. Master txapelketan aritu ez diren koadroko beste pelotari guztiak osatu dituzte bikoteak eta beraz sei bikotek hartuko dute parte.
Zubirik Etxarrirekin batera jokatuko du eta txapelketan debuta bihar egingo dute, Mirubia eta Martirenaren kontra. Oriamendi Torneoan parte hartuko duten beste lau bikoteak ondorengoak dira: Segurola-Zaldua I, Goikoetxea V-Labaka, Urrutia II-Aizpuru III eta Zaldua II-Larrañaga. Biharko jardunaldian jokatuko den beste partidua Zaldua anaien artekoa izango da; Zaldua II eta Larrañagak, Segurola eta Zaldua I.aren aurka ariko dira. Beraz, atsedena dute bihar Goikoetxea V-Labakak eta Urrutia II-Aizpuru III.ak.
Partiduak ostegunero jokatuko dira eta jendea egotea baimentzen bada larunbatera pasako lirateke jardunaldiak. Bi multzotan egongo dira banatuak sei bikoteak. A multzoan daude; Segurola-Zaldua I, Goikoetxea V-Labaka eta Zaldua II-Larrañaga. B multzoa osatzen dute; Etxarri-Zubirik, Mirubia-Martirenak eta Urrutia II-Aizpuruk.
Multzo bakoitzeko bi lehenengoak pasako dira finalerdietara eta azkena kanpoan geratuko da. Lehenengo fasea otsailaren 11ra arte jokatuko da hiru jardunaldiko (bihar, otsailak 4 eta 11an) sei partidurekin; bi finalerdiak otsailaren 18an izango dira eta finala otsailaren 25ean. Halaber, Oriamendi Torneoko norgehiagoka guztiak 40ra jokatuko dira eta aurreneko fasean betiko puntuaketa sistema erabiliko da.
Javier Urrizak eta Endika Barrenetxeak hitzordu berezia dute urtarrilaren 30ean, larunbata, Hernaniko Galarreta pilotalekuan. UTS komunikazioaren Master txapelketaren final jokatu beharko dute eta gaur arratsaldean erabiliko duten materiala bereizi dute.
Bi finalistak batera kantxaratu ziren, baina Urriza izan zen hiru pilotak banatzen lehena. Hamar minutu inguru behar izan zituen 126 gramoko hiru pilota aukeratzeko. Lehenengo biak biziak ziren eta hirugarrena lehorra.
Ondoren, Barrenetxea IV.aren txanda iritsi zen, apur bat azkarragoa, zortzi minutukoa, eta 129, 127 eta 126 gramoko hiru pilota bereizi zituen. Atzelariaren pilotak aurrelariarenak baino biziagoak dira.
Ondorengo adierazpenetan. Urrizak esan zuen material asko zegoela aukeratzeko. “Pozik geratu naiz aukeraketarekin. Oso ondo ezagutzen dugu elkar eta badakigu bakoitzak zer bilatzen duen. Berak pilota biziagoa bilatzen du sakerako eta bigarren pilotakadarako, eta nik nahiago dut pilota motelagoa gehiago piloteatzeko. Uste dut biok aurkitu dugula nahi genuena.Urriza beste txapel baten bila dabil. “Txapel guztiak dira garrantzitsuak eta jakin badakit ez dela batere erraza horrelako finaletara iristea eta beste final bat jopkatu nahi dut”.
Barrenetxeak esan zuen pozik zegoela. “Espero nuena baino pilota normalagoak aukeratu ditu Urrizak. Normalean pilota lehorragoak aukeratzen ditu eta horrek pentsa arazten dit konfiantza handiarekin dagoela, agian seinale txarra da niretzat “. Iaz Masterra irabazi zuen, baina Urriza iaz baino hobeto dagoela uste du. “Urrizaren urtea izaten ari da, jokatu duen guztia irabazi du eta denboraldia borobildu nahi du. Presiorik gabe iritsi naiz eta ez dut presarik. Gauzak zail jartzea espero dut “.
Webgune honek cookieak erabiltzen ditu esperientzia hobetzeko. Nabigatzen jarraitzen baduzu, ados zaudela ulertuko dugu AjusteakOnartu
Cookien Politika
Resumen Privacidad
Webgune honek cookieak erabiltzen ditu web gunean nabigatzen ari zaren bitartean esperientzia hobetzeko. Cookie horietatik, behar bezala sailkatzen diren cookieak zure nabigatzailean gordetzen dira, funtsezkoak baitira web gunearen oinarrizko funtzionaltasunetarako. Hirugarrenen cookieak ere erabiltzen ditugu, webgune hau nola erabiltzen den aztertzen eta ulertzen laguntzeko. Cookie hauek zure nabigatzailean soilik gordeko dira zure baimenarekin. Cookie hauen opt-out aukera ere baduzu. Baina cookie horietako batzuk aukeratzeak eragina izan dezake zure nabigazio-esperientzian.
Beharrezko cookieak guztiz funtsezkoak dira web guneak behar bezala funtziona dezan. Kategoria honetan, web gunearen oinarrizko funtzionalitateak eta segurtasun-ezaugarriak bermatzen dituzten cookieak bakarrik sartzen dira. Cookie hauek ez dute informazio pertsonalik gordetzen.
Beharrezko ez diren cookieak dira web guneak funtziona dezan eta erabiltzailearen datu pertsonalak analisien, iragarkien eta sartutako beste eduki batzuen bidez biltzeko berariaz erabiltzen ez diren cookieak. Nahitaezkoa da erabiltzailearen baimena lortzea bere webgunean cookie hauek exekutatu aurretik.
