Ansa II.ak Zubiri hartu zuen mendean, 30-26, Kutxabank Sari Nagusiko Buruz Buruko Txapelketaren aurre ligaxkako lehen partidan. Urnietakoak lau puntu lortu zituen, eta Goizuetako atzelariak bat.
Zubirik gehiago merezi izan zuen, partida bikaina jokatu baitzuen eta piloteoan Ansa II.a menderatu zuen. Lehia ederra izan zen eta bi pilotariek hasiera ona eman zioten banakako txapelketari. Zubiri hobeto aritu zen piloteoan, baina sakean okerrago aritu zen. Ansa II.ak hobeto jokatu zuen lehen pilotakadarekin eta zazpi tanto egin zituen. Zubirik ordea bakarra egin zuen. Gainera, sakearekin Urnietako aurrelariak hiru falta egin zituen goizuetarraren ordea, lau.
Piloteoan Zubirik 18 tanto egin zizkion Ansari eta honek 17 egin zituen. Tanto politak egin zituen bi hormetan eta jokaldian, baina ezin izan zuen puntu bat baino gehiago lortu.
Partida parekatua izan zen eta irabazleak bi tantoko errentak mantendu zituen. 28-26koan Ansak ezinezko pilota eraman zuen eta 28-27koa izan zitekeena 29-26koa izan zen. Partida sakez itxi zuen.