2-1 nagusitu ziren, 14-15, 15-12 eta 8-7ko partzialekin.
Ansa II .ak eta Juaneneak Binakako Erremonte Txapelketako hurrengo fasera sailkatzeko aukerak mantentzen dituzte Urriza eta Larrañagari 2-1 irabazi ondoren. Partida ikusgarria izan zen eta gainera emozio handia izan zuen markagailuan. Dena hirugarren seteko azken tantoan erabaki zen. Zazpinako berdinketaren ondoren Ansa eta Juaneneari garaipena eman zien hormara arrimatutako bote luze batek. Partzialak 14-15, 15-12 eta 8-7 izan ziren. Emaitza honekin Urrizak eta Larrañagak bederatzi puntu dituzte hiru partidutan, Ansa eta Juaneneak, aldiz, bi puntu dituzte, nahiz eta oraindik hirugarrenetik urrun egon.
Partida ikusgarria eta ederra izan zen. Lau erremontistak bikain aritu ziren eta txapelketan urteko bi partidarik onenak jokatzen ari dira. Lehen seta ezin zirraragarriagoa izan zen, eta berdintasun handiena izan zuena. Ansa eta Juanenea 14-10 aurreratu ziren, baina Urrizak eta Larrañagak buelta eman zioten 14-15 irabazteko. Bigarren setean Ansa eta Juanenea ez zeuden opariak egiteko prest eta 15-12 irabazi zuten.
Set erabakigarrian Urriza eta Larrañaga 0-5 aurreratu ziren eta txapelketako tanto politenetako batzuk ikusi ziren. Urrizak saretik tanto egin zuen bi pareta sinestezinekin. Tanto ederrak egin arren, ez ziren nahikoa izan eta Ansa-Juaneneak zazpina berdindu eta 8-7ko partida irabazi zuten.
Sailkapena
1. Segurola-Barrenetxea IV 9 puntu 3 partida
2. Urriza-Larrañaga 9 puntu 4 partida
3. Ezkurra II-Azpiroz 7 puntu 3 partida
4. Ansa II-Juanenea 2 puntu 4 partida
