Ezkurra II-Azpiroz bikoteak 15-10, 3-15 eta 5-8 irabazi dio Urriza-Martirenari (Aburuza). Segurola-Larrañagak 15-12 eta 15-14 gainditu dituzte Aldabe-Juanenea (Gurutzeta).
Sagardoaren Txapelketak bere lehen jardunaldia bizi izan zuen ostegunean Galarretan eta, Ezkurra II-Azpiroz eta Segurola-Larrañagaren garaipenekin hasi zen. Torneoko lehen partidan Alorreneako bikoteak (Ezkurra II-Azpiroz) Aburuzako Urriza eta Martirena bikoteari 1-2 irabazi zioten (15-10, 3-15 eta 5-8). Bigarrenean markagailua 2-0 izan zen (15-12 eta 15-14), Petritegiko Segurola-Larrañagaren alde, Gurutzetako Aldabe-Juanenearen aurka. Beraz, Segurolak eta Larrañagak lau puntu lortu zituzten, Ezkurra II-Azpirozek hiru puntu, Urriza-Martirenak puntua eta Aldabe-Juaneneak ez zuten punturik lortu.
Lehen partidak gorabehera asko izan zituen, eta sendotasuna falta izan zen, batez ere bikote gorriaren aldetik. Urriza ondo aritu zen lehen setean eta azkenekoan, baina bigarrenean Urriza eta Martirena erabat desagertu ziren. Ezkurra II.ak eta Azpirozek bikote gehiago osatu zuten eta hori funtsezkoa izan zen. Martirenak ez zuen bere eguna izan, urduri egon zen eta gorriek porrot batekin ordaindu zuten. Lehen seta parekatuagoa izan zen, baina Urriza eta Martirenaren alde egin zuen 15-10eko emaitzarekin. Urdinak jaun eta jabe izan ziren eta markagailua berdindu zuten 3-15eko partzial argiarekin. Azken setean indarrak berdindu ziren berriro, baina azkenean Ezkurra II.a eta Azpiroz sendoagoak izan ziren 5-8ko emaitzarekin. Ezkurra II.a eta Urriza oso antzekoak izan ziren zenbakietan, baina atzean Azpirozek aldeak ezarri zituen Martirenarekiko.
Bigarren partida, markagailua gorabehera, maila handiagokoa izan zen. Partida ikusgarriagoa izan zen, parekatuagoa, eta erremonte hobea ikusi zen. Ia ez zen hutsegiterik izan eta lau erremontistek distira handiagoa izan zuten. Hori bai, norbait nabarmendu behar bada, hori Segurola da, zalantzarik gabe. Aurrelari gorriak erremate eta era guztietako tantoen erakustaldia eman zuen. Lehen seta 15-12 irabazi zuten eta bigarren setean partida berdinketa haustera joango zela zirudien. Urdinak 10-14 irabazten ari ziren, baina hor Segurolak esentzien ontzia agerian utzi zuen eta tantoak bukatzen hasi zen emaitza iraultzeko eta 15-14ko emaitzarekin garaipena lortzeko.
Sei bikotekin jokatuko da Munduko erremontari onenekin
Sagardoaren Erremonte Txapelketa 2024 aurkeztu da gaur Orona Fundazioaren Areto Nagusian. ETB1eko Erremontari saioaren barruan eskainiko dira partida guztiak eta sei bikote lehiatuko dira nor baino nor.
Bikote bakoitzak sagardotegi bat ordezkatuko du eta gainera aurten kapitain bat izango dute bikoteko. Hauek dira bikote eta kapitainak: Urriza-Martirena (Aburuza sagardotegia-Aritz kapitaina); Loitegi-Barrenetxea IV (Oialume Zar-Iñaki); Aldabe-Juanenea (Gurutzeta-Egoitz); Segurola-Larrañaga (Petritegi-Igor); Ansa II-Zubiri (Bereziartua-Axier); eta Ezkurra II-Azpiroz (Alorrenea-Patri).
Lehenengo fasea maiatzaren 2an, ostegunean hasiko da eta zazpi jardunalditan denek denen aurka jokatuko dute. Ostegunero ekainaren 13ra arte izango dira partidak Galarretan (maiatzak 2, 9, 16, 23, 30, ekainak 6, ekainak 13).
Set formatuan jokatuko dira partidak eta 2-0 irabazten duenak 4 puntu batuko ditu, 2-1 irabaziz gero 3 puntu gehituko dira, 1-2 galduz gero puntua lortuko da, 0-2 galduta ez da punturik batuko, eta lehen bi seten artean 15 tantora iristen ez denak puntu negatiboa izango du.
Lehenengo lau postuetan geratzen diranak sailkatuko dira finalerdietara. Bi bikoteen artean berdinketa balego euren arteko partidak erabakiko du sailkapeneko postua eta hiru bikoteren arteko berdinketa apurtuko du euren arteko partiduen arteko tanteoak.
Finalerdiak partida bakarrera jokatuko dira ekainaren 20an eta lehenengo sailkatuak, laugarrenaren aurka jokatuko du finalaurreko bat, eta bestea bigarren eta hirugarren sailkatuek jokatuko dute.
Finala, finalaurrekoak irabazten dituzten bikoteek jokatuko dute ekainaren 24an.
Partida denak Galarretan jokatuko dira eta aurtengo beste berrikuntza Warning edo Abisuak izango dira ateratzeko orduan. Denbora egongo da sakatzeko eta errestoan jartzeko. Denbora gaindituz gero abisuak aterako dira eta tanto bat ere galdu daiteke abisul gorria ikusiz gero hirugarren abisuan. Lehenengo abisua komunikazioa izango da eta txartel urdina aterako da. Bigarren abisua horia izango da eta sakea aurkariarentzat pasako da. 30 segundu izango ditu sakatzaileak pilota jokoan jartzeko.
En la edición de 2023 Segurola y Juanenea fueron los ganadores ante Urriza y Martirena.
Oriamendik Galarretarako sarrerak online erosteko plataforma berria jarri du martxan, Oriamendi.eus webgunean erosi daitezke sarrerak online eta plataforma berrian sarrera erosi daitezke zenbakituak eta lekua ere aukeratuz. Lehenengo aldia da sistema hau martxan jartzen dena Galarretan.
Estreinekoz ere, bonoak jarriko dira salgai. Txapelketetarako bonoak izango dira eta dagoeneko salgai jarri dira erremontari txapelketarako bonoak. Bono hauekin erosi daitezke sarrerak %45eko beherapenekin. Ahalbideratu nahi da jendeak flexibilitatea izatea txapelketetara etortzeko garaian. Baita fideltasuna mantenduz astero Galarretara hurbiltzen diren zaleentzako abantaila da, eta modu batean fideltasun hori saritzen da eta zaindu egiten dira.
Gazteentzat eta hernaniarrentzat erremontariko bonoa erosita jaialdi bakoitza sei euro kostako da eta bederatziko bonoa 54 euro. Orain arte jaialdi bakoitzeko sarrera hamar eurokoa zen, eta bederatzi jaialdi 90 eurotan erosi zitezkeen.
Txapeldunek Gurrutxaga eta Aiestaran VI.a gainditu dituzte 1-2 (4-15, 15-12 eta 1-8), set erabakigarrian, Jabaleraren lan bikainari esker
Jabalera eta Goikoetxea VI dira Berria Erremonte Txapelketako txapeldunak, finalean Gurrutxaga eta Aiestaran VI.a gainditu eta gero. Jabalera izan da protagonista nagusia lehenengo eta hirugarren setean eta bere maila bikainari esker 1-2 lortu dute garaipena 4-15, 15-12 eta 1-8ko markagailuarekin.
Berria Erremonte Txapelketak talentu berrien erakuslehio izateko balio du askotan eta aurtengo edizioa Jabaleraren despegeagatik ezagutuko da. Kolpe eta joko bereziak ditu, onenekin lehiatzeko gai dela erakutsi du txapelketa guztian zehar eta finalean ere bai. Goikoetxearentzat profesionaletan debuta izan da eta ez dago ibilbide bat hobeto hasterik.
Partida urdinen nagusitasunarekin hasi da eta batez ere Goikoetxearen sake zitalarekin. Lehenengo lau tantoetatik hiru sakez lortu ditu atzelari urdinak eta 0-6 aurreratu dira. Gurrutxagak eta Goikoetxeak jokoan sartzeko aukera gutxi izan dituzte eta konturatzerako set-a galduta zuten. 2-11ko markagailuarekin, Jabaleraren erritmora joan da aurreneko jokoa. 4-15 amaitu da 20 minututan eta aurrelari urdinak zortzi tanto egin ditu. Gainera ez dute akatsik egin irabazleek eta gorriak partidan sartu ezinda ibili dira.
Bigarren jokoa zeharo aldatu da. Gurrutxaga Jabaleraren pare jarri da jokoan eta Aiestaran sakearekin min egiten hasi da. Horren ondorioz, nahiko parekatuta joan da markagailua, nahiz eta gorriak beti izan diren agintzen (3-1, 5-3, 11-6, 13-7, 14-12 eta 15-12). Aurrelariak izan dira protagonista eta Gurrutxagak bederatzi tantorekin amaitu du bigarren set-a eta Jabalerak beste zortzi tantorekin. Gorriei kosta zaie jokoa ixten, baina Gurrutxagaren pilotakada eder bati esker, ezker paretera itsatsita, amaitu da set-a, 15-12.
Azken joko erabakigarria Goikoetxearen akats batekin hasi da, baina ez dute tanto gehiago egin gorriek. Aiestaranek segidan bi pasa egin ditu eta urdinek sakea hartuta ez dute gehiago utzi. Jabalerak lau tanto jarraian egin ditu eta 1-2tik, 1-6kora pasa dira. Azkenaurreko tantoa Goikoetxeak lortu du saketik eta Gurrutxagaren akats batekin amaitu da finala.
Bai atzean eta bai aurrean hobeak izan dira zestoarra eta doneztebearra. Jabalerak 20 tantorekin eta hiru akatsekin amaitu du finala. Goikoetxea VI.ak bederatzi tanto, horietatik lau sakez, lortu ditu eta bi akats bakarrik egin ditu. Galtzaileetan Gurrutxagak hamaika tanto eta hiru akats egin ditu, eta Aiestaran atzelariak bost tantorekin eta hiru akatsekin amaitu du finala.
Ordu beteko iraupena izan du jendez gainezka zegoen Galarreta batean. Zale gazte asko hurbildu da Hernaniko frontoira eta giro ederra bizi izan da. Partida amaitu eta berehala garaileek zaletuen animoak eskertu dituzte eta pozez gainezka agertu dira. Jabalerakk nabarmendu du partidan kontzentraturik sartzearen garrantzia. “Ezin sinistu nago” esan du Goikoetxeak. “Lehenengo set-ean sakearekin asmatu dut. Bigarren set-ean beraiek maila igo dute eta azken jokoan ez diegu aukerarik eman”. Jabaleraren kolpeak diferentziak egin ditu jokoan. “Bizitasun hori dut, goiko posturan gehiago kostatzen zait, baina min handi egin dut”. Motibazio handia da bientzat. “Oso gustora amaitu dugu partidarik galdu gabe”. Aimar Jabalerak estelarretan jokatzeko aukerak gero eta gertuago ikusten ditu. “Entrenatzen eta hobetzen jarraitu behar da”.
«Ondo jokatzen duzunean adrenalina asko deskargatzen duzu eta oso ondo pasatzen duzu»
Mikel Etxarri Elizaldek (38 urte) Gabon egunean egin zuen debuta profesionaletan, 2016an, eta zazpi urte eta lau hilabeteren ostean, larunbatean jokatuko du profesionaletako azken partida. Martirenarekin batera, Goikoetxea V eta Zubiri izango dituzte aurkari, erremontista profesional moduan egindako ibilbideari amaiera emango dion partidan. Etxarriren debutak protagonista berak izan zituen. Hori bai, bikoteak trukatuta, Etxarrik Zubirirekin batera jokatu zuen eta Goikoetxea V.a eta Martirena izan zituzten aurkari. Egun hartan Etxarri eta Zubirik 40-37 irabazi zuten.
Zazpi urte bizi izan ditu Etxarrik profesionaletan. «Etapa bat amaituko dugu». Profesional gisa izan duen ibilbideak gorabeherak izan ditu, batez ere lesioen ondorioz. «Hasieran, dena berria denez, ilusio asko dituzu eta ikasi egin nahi duzu. Gero, gozatu nuen etapa bat iritsi zen, baina egun txarrak ere badituzu. Hor pixka bat gehiago lehiatu nahi duzu, gose zara, eta egia esan, batzuetan txapelketetan zerbait egin zait maldan gora. Hiruzpalau lesio izan ditut, azkena garrantzitsuena, txapelketak gustura jokatzea eragotzi didatenak. Gustu gazi-gozoa dut lehiaketari dagokionez».
Jokoari dagokionez, Etxarrik asko gozatu du. «Asko gozatu dut, baina arantzatxo bat geratzen zait, askoz gehiago eman nezakeelako».
Profesional gisa hiru urte eta hilabete batzuk zeramatzanean pandemiak dena baldintzatu zuen. «Hala izan zen. Pandemiaren ondoren, 2020ko martxoan, ez genuen ia partidarik jokatu eta apur bat galdu genuen lehiaketaren erritmoa. 2021ean aita izan nintzen eta aitatasun baimenarekin egon nintzen. Frontoietara itzuli nintzen eta Erremontariko txapelketan orkatilan min hartu nuen zortzi hilabetez. Itzuli nintzenean aita izan nintzen berriro. Azken bi urteak kaotikoak eta irregularrak izan dira, ezin izan baitut asko jokatu».
Mikel Etxarrik oso oroitzapen berezia gordeko du Galarretako aldagelako taldekideez. «Aldagela ikaragarria da. Koadroaren edozein kiderekin gustura egon zaitezke partida aurretik eta ondoren barre egiten. Oso giro ona zegoen. Txapelketaren barruan hainbat txapelketarekin geratzen naiz. Lehen mailakoek Erremontarian bezala jokatzea oroitzapen onak izan dira, Ion Arrizabalagarekin adibidez. Baita Labaka eta Garcesekin irabazi nituen txapelak ere. Labakarekin promozio txapelketa irabazi nuen eta Garcesekin promoziokoa San Ferminetan».
Jasandako lesioak dira oroitzapenik txarrena. «Asko izorratu ninduen Erremontarian ondo jokatzen ari nintzelako, baina bizitzaren legea da. Kirolean lesioak jokoaren parte dira».
Etxarri palatik erremontera iritsi zen, saskia arrotza ez bazitzaion ere. «Erremontean hasi nintzen txikitan, baina utzi eta palan hasi nintzen. Zortzi-bederatzi urte eman nituen palan jokatzen, baina erremontera itzultzeko gogoa nuen. Javi Urrizak xaxatu ninduen pixka bat eta nire lehengusu Xabi Erburu ere jokatzen hasi zen “.
Luzaideko erremontistak erremontean jokatzea merezi duela dio. «Oso esker oneko kirola da ondo jokatzen duzunean, eta esker txarreko kirola gaizki jokatzen duzunean. Ondo jokatzen ez duzunean gaizki kolokatuta zaude eta badirudi ez dakizula jokatzen, baina ondo zaudenean adrenalina deskargatzen duzu eta oso ondo pasatzen duzu. Pentsa merezi ote duen kilometro asko entrenatzeko bakarrik egiten ditugula».
Mikel Etxarrik pilota modalitate asko jokatu ditu eta agian erremontea da okerren eman zaiona. «Horregatik dakit eman nezakeela gehiago. Izan dudan irregulartasunak min eman dit. Erremontean zaila da ongi kokatuta egotea eta teknika ere zaila da, baina merezi du».
Larunbatean profesionaltasunari agur esango dio eta bertan izango dira familia, lagunak eta profesionaltasun urte hauetan berarekin egon direnak.
Aurreikuspenak bete dira eta gaur zortzi, Jabalera eta Goikoetxea VI.ak, Gurrutxaga eta Aiestaran VI.aren aurka jokatuko dute Galarretan finala.
Berria Erremonte Txapelketako finala orain arteko bi bikote onenek jokatuko dute datorren larunbatean, apirilaren 20an, Galarretan. Jabalera-Goikoetxea VI.a bikoteak, Gurrutxaga-Aiestaran VI.a bikotearen aurka neurtuko dituzte indarrak euren finalerdiak irabazi eta gero. Orain arteko lau partidak irabazi dituzte bi finalistek, eta gaurkoan 2-0 nagusitu dira Zaldua II.a-Eskudero eta Irazu-Zaldua bikoteen aurka, hurrenez hurren.
Gaurko lehenengo finalerdia dotorea izan da, nahiz eta markagailua irabazleen aldekoa argia izan. Zalduak eta Eskuderok ez dute inoiz etsi piloteoan indartsu aritu eta gero. Jabalerak eta Goikoetxea 15-12 eta 15-14 lortu dute garaipena, baina kostata lortu dute finalerako sailkapena. Jabalerak bere kolpea beste behin erakutsi du eta Goikoetxea oso seguru aritu da atzeko koadroetan. Ordu beteko partida izan da eta azken tantoa, Goikoetxearen pilotakada bat, ederra izan da. Hamalaunakoa partida erabaki du bi paret zoragarri batekin. Bi setak berdinduta joan dira, baina momentu erabakiorrean dehiago asmatu dute gorriek.
Bigarren finalerdia ez da hain piloteatua izan, baina maila onean jokatu dute erremontistek. Lehenengo seta 15-8 amaitu da Gurrutxaga eta Aiestaranen alde. Sakearekin min egiten zuten atzelariak eta erreskadan tanto mordoa lortzen zuten bikoteek. 5-8 aurreratu dira Irazu eta Zaldua, baina 10-0ko partzial batek erabaki du lehenengo set hori. Bigarren set-a berdinduagoa izan da. Markagailua orekatuago joan da, baina bosnako berdinketa eta gero alde lau tantoko alde erabakigarria lortu dute gorriek. Kontrolpean eraman dute partida eta azken set-a, nahiz eta Gurrutxagaren huts batzuen ondorioz hamabinako berdinketa igo markagailura. Hala ere, aurrelariak buelta eman dio momentu txar horri eta hiru tanto jarraian egin ditu azken 15 eta 12koa markagailura igotzeko. Aiestaran oso seguru aritu da eta gorriek sendotasuna erakutsi dute.
Finala datorren larunbatean jokatuko da. ETBk zuzenean eskainiko du jaialdiko bigarren txandan eta lau pilotariek pilotak aukeratuko dituzte etzi, arratsaldeko 18:00etan, Galarretan bertan.
Webgune honek cookieak erabiltzen ditu esperientzia hobetzeko. Nabigatzen jarraitzen baduzu, ados zaudela ulertuko dugu AjusteakOnartu
Cookien Politika
Resumen Privacidad
Webgune honek cookieak erabiltzen ditu web gunean nabigatzen ari zaren bitartean esperientzia hobetzeko. Cookie horietatik, behar bezala sailkatzen diren cookieak zure nabigatzailean gordetzen dira, funtsezkoak baitira web gunearen oinarrizko funtzionaltasunetarako. Hirugarrenen cookieak ere erabiltzen ditugu, webgune hau nola erabiltzen den aztertzen eta ulertzen laguntzeko. Cookie hauek zure nabigatzailean soilik gordeko dira zure baimenarekin. Cookie hauen opt-out aukera ere baduzu. Baina cookie horietako batzuk aukeratzeak eragina izan dezake zure nabigazio-esperientzian.
Beharrezko cookieak guztiz funtsezkoak dira web guneak behar bezala funtziona dezan. Kategoria honetan, web gunearen oinarrizko funtzionalitateak eta segurtasun-ezaugarriak bermatzen dituzten cookieak bakarrik sartzen dira. Cookie hauek ez dute informazio pertsonalik gordetzen.
Beharrezko ez diren cookieak dira web guneak funtziona dezan eta erabiltzailearen datu pertsonalak analisien, iragarkien eta sartutako beste eduki batzuen bidez biltzeko berariaz erabiltzen ez diren cookieak. Nahitaezkoa da erabiltzailearen baimena lortzea bere webgunean cookie hauek exekutatu aurretik.
ekipazio ofiziala
salgai
Oriamendi 2024-2025 ekipazio ofiziala eskuragarri! 🏆✨ Pertsonaliza ezazu zure izenarekin edo jarri gogokoen duzun pilotariaren izena. Lortu zure kamiseta!
